რომელ 3 პოლიტიკოსს ადანაშაულებს ირაკლი კობახიძე? – “ამან შეიძლება მიშელის დოკუმენტის შესრულებას პრობლემები შეუქმნას”

როგორც ჩანს, ვიღაცები დაინტერესებული არიან, შეთანხმების აღსრულებას დაბრკოლებები შეექმნას, – ამის შესახებ პარტია „ქართული ოცნების” თავმჯდომარემ ირაკლი კობახიძემ სამი დეპუტატისთვის უფლებამოსილების შეწყვეტის საქმესთან დაკავშირებით განაცხადა.

ირაკლი კობახიძე:

„ის, რომ სამ დეპუტატს მანდატებთან დაკავშირებული სარჩელი არ გამოაქვს, ეს შეთანხმების წინააღმდეგ გადადგმული კიდევ ერთი ნაბიჯია. ეს აჩვენებს მათ სულისკვეთებას. როგორც ჩანს, ვიღაცები არიან დაინტერესებული, რომ შეთანხმების აღსრულებას დაბრკოლებები შეექმნას და ამას ემსახურება სარჩელის არგამოიტანა საკონსტიტუციო სასამართლოდან.

თუ სასამართლო არაკონსტიტუციურობასთან დაკავშირებით გადაწყვეტილებას მიიღებს, მაშინ ამან შესაძლოა, მიშელის დოკუმენტის შესრულებას პრობლემები შეუქმნას. არაკონსტიტუციურად ცნობის შემთხვევაში, ეს შეიძლება გავრცელდეს სხვა დეპუტატებზეც. ესეც მარტივი პოლიტიკური თამაშია, რომელსაც აწარმოებენ ოპოზიციონერები კონკრეტული ოპოზიციური პარტიებიდან და ყველას მინდა ვურჩიო, ამ თამაშების ნაცვლად სახელმწიფოსა და საზოგადოებაზე ფიქრით დაკავდნენ”

შეგახსენებთ, დღეს იმართება პროცესი და საქართველოს საკონსტიტუციო სასამართლო არსებითად განიხილავს საქმეს “ზურაბ გირჩი ჯაფარიძე, თამარ კორძაია და ელენე ხოშტარია საქართველოს პარლამენტის წინააღმდეგ”.

გუშინ ზურაბ ჯაფარიძემ სოციალურ ქსელში დაწერა:

“ხვალ 12.00 საათიდან უნდა ვამტკიცო რომ კობახიძის მონა არ ვარპარლამენტის წარმომდგენელმა უნდა მიმტკიცოს საპირისპირო”