„რომ დავბრუნდები არ ვაპირებ სახლში ჯდომას და ყურებას, როდის შეჭამს ქვეყანას ღარიბაშვილი, ივანიშვილი და კობახიძე“ – გურამ ჩალაგაშვილი

რომ დავბრუნდები არ ვაპირებ სახლში ჯდომას და ყურებას, როდის შეჭამს ქვეყანას ღარიბაშვილი, ივანიშვილი და კობახიძე“, – ამის შესახებ “გამარჯვებული საქართველოს” ერთ-ერთმა გურამ ჩალაგშვილმა “ტვ პირველის” ეთერში, უკრაინიდან ჩართვისას განაცხადა.
„ომი ალბათ მალე დამთავრდება – ერთ თვეში ან თვენახევარში. დასრულდება უკრაინელების გამარჯვებით და ჩვენი გამარჯვებით. მაგრამ, არ ვიტყვი, რომ მხოლოდ უკრაინისთვის ვიბრძვი, ჩემი შვილებისა და ჩემი ქვეყნისთვის ვიბრძვი. მჯერა, რომ უფლის წყალობით ყველანი მშვიდობით დავბრუნდებით საქართველოში და ჩვენ სათქმელს აქ ვიტყვით.

ჩვენ სამარცხვინო ხელისუფლებას მოუწევთ პასუხი მათი სამარცხვინო გამონათქვამების გამო. იმიტომ, რომ ძალიან ცუდად ჟღერს, როცა გესმის, რომ კი, თქვენ ხართ მაგარი ადამიანები, ხალხი ხართ ძალიან კარგები, მაგრამ ხელისუფლებამ რა ქნაო? ამ კითხვას სვამს ყველა. ეს სირცხვილი უნდა ჩამოვირეცხოთ როგორმე და შესაბამისად არ უნდა გავჩერდეთ და არ ვაპირებ მე გაჩერებას.

აქედან რომ დავბრუნდები არ ვაპირებ სახლში ჯდომას და ყურებას, როდის შეჭამს ღარიბაშვილი, კობახიძე და ივანიშვილი ბოლომდე ჩვენ ქვეყანას. გამოცდილებაც მეტი მექნება და ამ ხელისუფლებას ქართველ ხალხთან ერთად მშვიდობიანად ავიყვანთ ხელში და გავამგზავრებთ საზღვარგერეთ,” – განაცხადა გურამ ჩალაგაშვილმა.

შეგახსენებთ, გურამ ჩალაგაშვილი, ირაკლი ოქრუაშვილი და სხვები უკრაინაში საბრძოლველად მოხალისედ წავიდნენ.