რუსეთის მიერ ოკუპირებულ ცხინვალის რეგიონში მაშველებმა აღმოაჩინეს ზვავის ჩამოწოლის შედეგად დაღუპული კიდევ ერთი რუსი სამხედროს ცხედარი. ამის შესახებ სააგენტო „ტასს“ აცნობა ე.წ. სამხრეთ ოსეთის საგანგებო სიტუაციების მინისტრის მოადგილემ, აცამაზ ბესტაუთიმ.
ცნობისათვის, გუშინ, როკის გვირაბთან ჩამოწოლილმა ზვავმა რუსეთის სამხედრო ყაზარმა მოიყოლა, სადაც 5 ჯარისკაცი იმყოფებოდა. თავდაპირველად მაშველებმა სამი მათგანი ცოცხალი ამოიყვანეს და საავადმყოფოში გადაიყვანეს, თუმცა, ერთ-ერთი მათგანის გადარჩენა ვერ მოხერხდა.
ზვავში მოყოლილი რუსი ჯარისკაცები როკის გვირაბთან მდებარე საგუშაგოზე მორიგეობდნენ.
კომენტარები