“როგორი მძიმე საყურებელი იყო “ბავშვების” ინტერვიუ ბატონ ლილუაშვილთან!” – ნიკოლეიშვილი

ზოგადად, 12-13 წლის ასაკიდან მოზარდს “ბავშვს” აღარ ვუწოდებ, მაგრამ, ზოგჯერ, ფსიქოლოგიური უმწიფრობის გამო, მოწიფულ ასაკშიც შეიძლება ადამიანები ინფანტილურები დარჩნენ.

ინფანტილიზმის ნიშნით იყვნენ “ბავშვები” ბატონი ლილუაშვილის წინ, მიკროფონებით (მცირე გამონაკლისის გარდა)!

ნეტა, საკუთარ თავს არ უყურეს მოგვიანებით?!

ამ დონის კორესპონდენტების ხელში რომ არის მედია, მოსახლეობის დიდი ნაწილიც იმიტომაა ინფორმაციულ ვაკუმში! იმიტომაც “იგებს” ომს ქართულ მედიაში ზელენსკი, ამიტომაც ყალიბდება საქართველოში სექტები და არა პარტიები, ამიტომაც იხსნება ცოცხალი ადამიანის მავზოლეუმები, ფეტიშიზმის ელემენტებით!!!

-ვაღიაროთ, რომ ჩვენ ახალ ამბებს უცხოური მედიიდან ვიგებთ!!!

-ჩვენი ტელევიზიების დიდი უმრავლესობა, საშინაო და უცხოეთის ამბების გაშუქებისას საკუთარ განწყობებს აფიქსირებს და მხარედ გამოდის, რაც საქართველოსთვის, შესაძლოა, სახიფათო აღმოჩნდეს!!! ეს ხდება რუსეთ-უკრაინის და ისრაელ-პალესტინის ომების გაშუქების დროსაც, მაშინ, როცა ეს არაა ჩვენი ომები და არ უნდა დავფიქსირდეთ, როგორც მხარე!!!

-მაყურებელს არ აინტერესებს ჟურნალისტების განწყობები და პოზიცია, საზოგადოებას მათი მოწოდებული ფაქტები სჭირდება!

სახელმწიფო უშიშროების მინისტრს რომ კითხვების ნახევარს ფარცხალაძეზე უსვამენ, მაშინ, როცა რეგიონი კი არა, ლამის კონტინენტი ადუღდეს, ეს ხომ დანაშაულებრივი უმეცრებაა?!

ეს ხომ ნიშნავს, რომ ქართული ტელე მედიის დიდი ნაწილი ჩამორჩა საზოგადოების მოთხოვნებს და ინტერესებს, საზოგადოების ინტელექტუალური განვითარების დონეს, ინტერესებს და სექტად ქცეული პარტიების ფუთფუთის გაშუქება მიაჩნია თავის დანიშნულებად?

-მთავარის და მეორეხარისხოვანის გარჩევას საერთოდ აღარ ასწავლიან, არც სკოლებში და აღარც ინსტიტუტებში?!!!!

ზოგადად, მედია აფხიზლებს ხოლმე, ახალი ამბებით, საზოგადოებას!

-გაიღვიძე, ქართულო ტელე-მედიავ, (ორღობეში)-დეპოში ხართ, დეპოშიიი!!!

. . . გამონაკლისები კი, ალაგ-ალაგ, არსებობს.”