სოციალურ ქსელში ვრცელდება ინფორმაცია, რომ გრიგოლეთის ტბაზე ვითარება საგანგაშოა. გავრცელებული ინფორმაციით, მოქალაქემ ტბაში მომწამვლელი ნივთიერება ჩაასხა, რამაც თევზის განადგურება გამოიწვია.
“დაახლოებით, ერთი კვირის წინ გრიგოლეთის ტბაში ვიღაცამ ჩაჟონა მავნე ნივთიერებები (სავარაუდოდ კანალიზაცია) და ამოხოცა მთელი თევზეული. თევზი ხტებოდა წყლიდან ნაპირზე. ეს მოწამლული თევზი, ვიღაც უღმერთო ნაძირლებმა კოლოობით წაუღეს ჩასაბარებლად,
ადგილობრივ გამყიდველს. საბედნიეროდ, გავაფრთხილეთ ის ადამიანი და არ მიუღია ეს თევზი, თორემ მოიწამლებოდა მთელი ფოთი. მოკლედ, შევატყობინეთ გარემოს დაცვას. სავარაუდო მიზეზად ფეკალურ მასას ასახელებენ. ეს ყველაფერი ძალიან სამწუხაროა, რადგან რამდენიმე თვის წინ მეზობლემბა ათასობით ლიფსიტა გაუშვეს ტბაში. ახლა კიდევ ეს საწყალი თევზი გდია ნაპირზე. ტბა დაჭაობებულია, დგას საზიზღარი ლეშის სუნი. შეიძლება ითქვას, რომ ჩაიშალა სეზონი – ამ აყროლებულში სახლს ვინ იქირავებს ან სასტუმროში ვინ დარჩება? დაზარალდა, როგორც გარემო, ისე ხალხი. ულამაზესი ადგილი დაემსგავსა შრეკის ჭაობს,” – წერს ადგილობრივი სოციალურ ქსელში.
კომენტარები