ახლა, ვითომ ჰუმანურობას ამოფარებული ხელოვანები და არა მარტო ხელოვანები გამოჩნდნენ და განცხადებებს აკეთებენ, აბსოლუტური ფარსია ეს ყველაფერი. თუნდაც ერთ მათგანს ერთი განცხადება რომ გაეკეთებინა ან თუნდაც დაეწერა რომელიმე გაზეთში და რაღაცაზე პროტესტი გამოეთქვა, მაშინ დავიჯერებდი, – ამის შესახებ გია გაჩეჩილაძემ გადაცემაში „იმედი LIVE“ საქართველოს ყოფილი პრეზიდენტის, მიხეილ სააკაშვილის მხარდამჭერებზე საუბრისას განაცხადა.
„მაგრამ სად იყვნენ ეს ადამიანი მაშინ, გამაგებინეთ. მაშინ ცოცხლები არ იყვნენ? ვერ ხედავდნენ რა ხდებოდა ქვეყანაში? ესე იგი, ეს იმაზე მეტყველებს რომ ხეირობდნენ მაშინ და მიბმულები იყვნენ ამა თუ იმ ფორმით მათთან. ან ენატრებათ ეს დრო. ეს არის, თორემ როგორ შეიძლება იმ დროში ცოცხალი ყოფილიყავი ადამიანი და გაჩუმებულიყავი, ხმა არ ამოგეღო? ამერიკაში ელჩი, ლევან მიქელაძე 7 ნოემბერს გადადგა. ერთადერთი ადამიანი, ვინც მაშინ ხელისუფლებას წარმოადგენდა. და ის ადამიანი ცოცხალი აღარ არის, გაურკვეველ ვითარებაში მოკვდა. სად იყვნენ ეს ადამიანები, გამაგებინეთ?“ – ამბობს გაჩეჩილაძე.
კომენტარები