პრემიერი ღარიბაშვილი მიხეილ სააკაშვილის დაკავებასთან დაკავშირებით, კიდევ ერთხელ საუბრობს და ამბობს:
“რაც შეეხება სააკაშვილის მორიგ მასკარადს და თეატრს. ყველასთვის კარგად არის ცნობილი, რომ მისი მცდელობა, ყველაფერი არის შოუ, რაც მან დადგა, ემსახურება ერთადერთ მიზანს, რომ რამენაირად გადასულიყო კერძო კლინიკაში.
ერთდერთი მიზნით ჩამოვიდა სააკაშვილი საქართველოში, რომ მოეხდინა რევოლუცია, გადატრიალება და ის ბინძური პროვოკაცია, რომელიც მას ჰქონდა დაგეგმილი, მათ შორის რამდენიმე ადამიანის მკვლელობა. ჩაგვბარდა კი არა, ჩვენ დავიჭირეთ”
სააკაშვილი გარბოდა, ლაივებსაც არ დებდა, იმალებოდა, მომხრეებს მოუწოდებდა შეკრებისკენ და მაგ დროს, გაქცევისას დაიჭირეთ, პრემიერო? საზღვარზე დაიჭირეთ? რუსთაველზე, სადაც აქციას აწყობდა? იარაღით ხელში, მკვლელობის მცდელობისას?
ჩამოსვლიდან მხოლოდ მეოთხე დღეს რომ დააკავეთ მხოლოდ – ეს თქვენმა გამოძიებამ არ დაადგინა?
ვიდეოს ვიდეოზე რომ დებდა, ესეც იმიტომ, რომ ვერ გეპოვნათ, ხო?
ის კადრები, მარტო რომ გელოდებათ სახლში, დაცვის გარეშე და ხინკალს რომ მიირთმევს, თქვენი გადაღებული არაა? სპექტაკლი დადგით, აბა, პრემიერო?
კომენტარები