როდის შემოვა პირველი გემი ანაკლიის პორტში და ვის უნდა ანაკლიის პროექტის ხელში ჩაგდება? – გოცირიძის კითხვები და მინისტრის პასუხი

“ტენდერობანა იმიტომ გააკეთეთ, რომ ჩინურ კომპანიას ჩაეგდო ეს პროექტი ხელში,” – ასე მიმართა “ევროოპტიმისტების” თავმჯდომარემ რომან გოცირიძემ ეკონომიკის მინისტრს.

თქვენი პასუხებიდან ისეთი შთაბეჭდილება იქმნება, რომ მთელი ეს ტენდერობანა იმიტომ გააკეთეთ, რომ ჩინურ კომპანიას ჩაეგდო ეს პროექტი ხელში. ვნახოთ, როგორც იტყვიან – აღდგომა და ხვალეო. შვეიცარული კომპანია არ ნიშნავს, რომ იქ არ არიან თუნდაც ჩინელები.

მთავარი შეკითხვა იყო, თუ რატომ ფერხდება ანაკლიის პორტის განვითარება, რატომ არ აცხადებს მთავრობა ინვესტორის მოსაზიდად კონკურსს და როდის აპირებს მას. მოგვიანებით გავიგეთ, რომ დაახლოებით, 20-მდე კომპანიამ შემოიტანა განაცხადი და აქედან, გუშინწინ მივიღეთ ბოლო ინფორმაცია, რომ ეკონომიკის სამინისტრომ შეარჩია 2 კომპანია და გადაიყვანა მეორე ტურში. რას ნიშნავს მეორე ტური, როგორ განვითარდება მოვლენები, მაგრამ ვაზუსტებ – გთხოვთ დაასახელოთ, ვინ არის ეს ორი კომპანია, იმედი უნდა ვიქონიოთ, რომ ესენი ჩინური ან რუსეთთან დაკავშირებული პირდაპირ თუ ირიბად დაკავშირებული კომპანიები. ხომ არ არის აქ ისეთი საფრთხეები, როდესაც ანაკლიის პროექტი ისეთი გავლენის ქვეშ მოექცევა, რომ დაკარგოს გეოპოლიტიკური ხიბლი.

რომელმა კომპანიებმა მიიღეს მონაწილეობა ინტერესთა გამოხატვაში, გამჭვირვალობის პრინციპი მოითხოვს, რომ გამჟღავნდეს საჯარო ტენდერებთან დაკავშირებული ინფორმაცია.
ჩვენ უნდა შეგვეძლოს შედარება ამ ორ კომპანიას და 20-მდე დანარჩენ კომპანიას შორის, რა პრინციპით შეირჩა ის. გვაინტერესებს, მონაწილეობდა თუ არა დასავლური, აშშ-იდან, კომპანიები.

რაც შეეხება ანაკლიის პროექტის გაჩერებას, ქვეყანამ ისტორიული შანსი დაკარგა, რომ გამხდარიყო რეგიონში უდიდესი პროექტი გეოპოლიტიკური მნიშვნელობის. რუსეთის პორტებსაც არ არის გამორიცხული რომ დაედოს სანქციები, ახლა ამ მომენტში, როდესაც ანაკლია უნდა ყოფილიყო ამოქმედებული, იმის შესახებ ვმსჯელობთ რომელი კომპანია იქნება ტენდერში გამარჯვებული. შეიძლება რომელიმემ ჩახსნას და გადავარდეთ 20 წლის წინ, დღეს ჩვენ ვიმყოფებით, დაახლოებით, 10 წლით უკან. ოცნების დანაშაულებრივი ქმედებების გამო, რომელმაც დააკმაყოფილა რუსეთის მოთხოვნები, ვინაიდან პარალელურად შენდებოდა შავ ზღვაზე ტამანის პორტი და მშენებლობები დაიწყო ერთდროულად, ტამანის პორტი დღეს მუშაობს, ანაკლიის პორტი კი ჰაერშია ჩამოკიდებული, პირდაპირ რუსეთის დავალება იქნა შესრულებული ოცნების მიერ,“ – ამბობს რომან გოცირიძე

“ანაკლიაში 2020 წლის დეკემბერში უნდა შემოსულიყო პირველი გემი – მიპასუხეთ, როდის შემოვა ანაკლიაში პირველი გემი,” – რომან გოცირიძის ამ კითხვას, ეკონომიკის მინისტრმა ასე უპასუხა:

“ჩვენ გათვალისწინებული გვაქვს, რომ მშენებლობის დაწყებიდან დაახლოებით, სამი წელი უნდა დასჭირდეს პორტს, რომ პირველი ფაზა დასრულდეს. ვფიქრობთ, რომ მშენებლის შერჩევიდან 9 თვის განმავლობაში ყველა მოსამზადებელი სამუშაო იქნება დასრულებული და იურიდიულად იქნება მზად მშენებელი კომპანია, რომ სამუშაოს შეუდგეს.”