იმისათვის, რომ წლის აკადემიურად გამოცხადება არ გახდეს საჭირო, სკოლები სწავლების დისტანციურ რეჟიმზე გადავიდნენ. ონლაინ-სწავლების პარალელურად პროცესში აქტიურად არის ჩართული „ტელესკოლაც“, რათა იმ მოსწავლეებს, რომლებსაც ინტერნეტზე წვდომა არ აქვთ, შეუძლიათ სატელევიზიო გაკვეთილებს უყურონ.
საქართველოს მთავრობის გადაწყვეტილებით, ქვეყანაში საგანგებო მდგომარეობა 22 მაისამდე გაგრძელდა, რის გამოც სასწავლო პროცესი არც სკოლებში განახლდება.
მთავრობის თავდაპირველი განკარგულებით, სკოლებში სასწავლო პროცესი 22 აპრილამდე იყო შეჩერებული. თუმცა, როგორც საქართველოს განათლების სამინისტრო ამბობს, რადგან საგანგებო მდგომარეობა გაგრძელდა, შესაბამისად, ვერც სკოლებში განახლდება სწავლება.
რაც შეეხება ზაფხულის არდადეგებს, განათლების სამინისტროს მიერ დადგენილი სტანდარტის მიხედვით, იგი ჩვეულებრივ 27 მაისს იწყება, ხოლო დამამთავრებელი კლასის მოსწავლეებისთვის კი – 20 მაისს. თუმცა ქვეყანაში არსებული ეპიდემიური სიტუაციიდან გამომდინარე შესაძლოა ეს დადგენილება შეიცვალოს.
კომენტარები