19 წლის ფეხბურთელის გიორგი შაქარაშვილის ბურუსით მოცული გარდაცვალების საქმეზე დაკავებული პირების სასამართლო პროცესი 31 ივლისს გაიმართება. ამის შესახებ “2020NEWS”-ს საქმეზე დაკავებული მორაგბეების არჩილ გაგნიძისა და ვასილ მახარაძის უფლებადამცველმა, ალექსი კობაიძემ განუცხადა.
სააგენტოსთან საუბარში ადვოკატი შაქარაშვილის ოჯახის მოთხოვნასაც გამოეხმაურა, რომლის მიხედვითაც, ოჯახი ავტომანქანა „ტოიოტა ქამრის“ 6-ვე მგზავრის სისხლის სამართლებრივ პასუხისგებაში მიცემას ითხოვს.
„დაზარალებულს აქვს ამის მოთხოვნის უფლება. დაზარალებულია და რასაც უნდა იმას მოითხოვს. მაგრამ ფაქტებია საჭირო, მთავარია პროკურატურა მოწოდების სიმაღლეზე იყოს“
კითხვაზე ამჟამად საქმეში არსებული მტკიცებულებები იძლევა თუ არა „ტოიოტა ქამრის“ ავტომობილში მსხდომი პირების სისხლის სამართლებრივ პასუხისგებაში მიცემის შესაძლებლობას, ადვოკატი გვპასუხობს:
„საქმეში არსებული მტკიცებულებები რა თქმა უნდა ამის საშუალებას არ იძლევა.
მე მაქვს მოლოდინი, რომ მათ ამ კუთხით ბრალს არ წარუდგენენ, რადგან საქმეში მტკიცებულებები არ არსებობს“
კომენტარები