„ნაციონალური მოძრაობის“ წარმომადგენლები და მხარდამჭერები მეტრო „ავლაბრიდან“ ბარათაშვილის დაღმართის მიმართულებით მსვლელობას მართავენ.
როგორც აქციის მონაწილეები აცხადებენ, მათი მოთხოვნაა მიხეილ სააკაშვილის სამოქალაქო კლინიკაში გადაყვანა, ვადამდელი პროპორციული არჩევნები და მთავრობის გადადგომა.
თბილისის საპატრულო პოლიციის უფროსის, ვაჟა სირაძის მტკიცებით, ოპოზიციას აქციის მარშრუტი გაცხადებული არ ჰქონდა და შსს-ს განცხადებით მათ განუმარტეს, როგორია კანონი.
“არ განუცხადებიათ მარშრუტის თაობაზე, მოგვიანებით გავაკეთოთ კომენტარი. შსს-მ განცხადება გააკეთა და განუმარტა შესაბამის პოლიტიკურ წარმომადგენლებს კანონის შესახებ თუ როგორ უნდა იმოქმედონ აქცია და შეკრებების დროს. როდესაც დაირღვევა, პოლიცია მიიღებს შესაბამის ზომებს”, – თქვა ვაჟა სირაძემ.
კომენტარები