სლოვაკეთის სასამართლომ პირი, რომელმაც ქვეყნის პრემიერ-მინისტრს, რობერტ ფიცოს ესროლა, ტერორიზმში დამნაშავედ ცნო. მას 21 წლით თავისუფლების აღკვეთა მიესაჯა.
სააგენტო „როიტერის“ ცნობით, 72 წლის იურაი ცინტულამ 2024 წლის მაისში სლოვაკეთის ქალაქ ჰანდლოვაში რობერტ ფიცოს ხუთჯერ ესროლა.
სასამართლოზე ცინტულამ განაცხადა, რომ ფიცოს მხოლოდ დაჭრა სურდა. მიზეზად კი დაასახელა „მისი პოლიტიკის შეჩერება, რომელიც ზიანს აყენებს სლოვაკეთის თავისუფლებასა და კულტურას“.
სლოვაკეთის პრემიერ-მინისტრს, რობერტ ფიცოს 2024 წლის 15 მაისს, მთავრობის სხდომის შემდეგ ქუჩაში ცეცხლსასროლი იარაღიდან ესროლეს.
კომენტარები