,,რკინის მავთული ყელზე შემოეხვია, ლამის დაიხრჩო და პატრულმა 250 ლარით დააჯარიმა!” – შემთხვევა ცინცაძის ქუჩაზე

სოციალური ქსელის მომხმარებალი, მარიამ კვარაცხელია ,,ფეისბუქზე” ფოტოს აქვეყნებს და წერს:

,,ამ წუთებში ცინცაძის 41-თან, ქუჩაზე რაღაც რკინის მავთული ეკიდა ჰაერში, შუა გზაზე, სკუტერიანმა მოქალაქემ გამოიარა, წამოედო, ყელზე შემოეხვია, კინაღამ დაიხრჩვა, დაიმტვრა, სხეულზე აქვს სერიოზული დაზიანებები. მოვიდა პატრული და 250 ლარით დააჯარიმა ეს მოქალაქე, რადგან მავთულზე როცა გამოედო და დაიმტვრა, საავარიო სიტუაცია შექმენიო. ხალხო, აქეთ დააჯარიმეს ადამიანი. წარმოუდგენელია. ადვოკატი გვჭირდება.”

მარიამ კვარაცხელია პატრულ-ინსპექტორების მანქანასაც ასაჯაროებს:

,,უამრავი მოქალაქე შეიკრიბა ვინც შეესწრო ამ ამბავს, ყველა აღშფოთებული იყო პატრულის მოქმედებით და თხოვდა მათ რო არ განეხორციელებინათ ეს უსამართლო აქტი მაგრამ სულ ტყუილად.“