პოლიტოლოგი, გია ხუხაშვილი, გუშინ გავრცელებულ ჩანაწერზე (ევტუშენკოვი და ივანიშვილი) და ევტუშენკოვის დღევანდელ კომენტარზე საუბრისას, ტელეკომპანია “ფორმულასთან”, ამბობს, რომ ბიძინა ივანიშვილი ფრთხილობს ევტუშენკოვთან შეხვედრა სწორედ ამ სიფრთხილის გამო არ სურს და ამისამართებს პრემიერ–მინისტრთან, რომელსაც, შემდეგ მარტივად შეახოცავს ხელს, თუმცა, ევტუშენკოვს ხელმეორე თხოვნაზე უარს ვერ ეუბნება, რადგან მის წინაშეც აქვს ვალდებულებები.
გია ხუხაშვილი:
“რისთვის უზის იქ ღარიბაშვილი, როგორ გგონიათ? ბიძინამ არ იცის, მისი ინტელექტუალური მონაცემები? იცის, ძალიან კარგად, მეც კარგად ვიცი. ტრაგიკულია, რომ მისი გაქანების ადამიანი პრემიერ–მინისტრად იწოდება დღეს საქართველოში, მაგრამ ფარად ჰყავს დაყენებული, რამე რომ იყოს, შეახოცავს ხელს და გადააგდებს, არ გადაუგდია ჯერ? დაავიწყდა ვინმეს მისი წასვლა? მესამე წრეზეც წავა… ივანიშვილს ასეთი მეხამრიდები სჭირდება”
“ივანიშვილი ფრთხილობს, მაგრამ მას აქვს ევტუშენკოსთან ვალდებულებები…” – ხუხაშვილი
კომენტარები