ქართული მულტიპლიკაციური ფილმის მხატვარი და რეჟისორი ბონდო შოშიტაიშვილი გარდაიცვალა.
მას 1990 წელს რუსეთის კინემატოგრაფისტთა უმაღლესი პრემია “ნიკე” ჰქონდა მინიჭებული, ხოლო 1999 წელს ღირსების ორდენი გადაეცა.
ბონდო შოშიტაიშვილი 1961-1976 წლებში მუშაობდა კინოსტუდია “ქართულ ფილმის” მულტგაერთიანებაში მხატვრად, მხატვარ-ანიმატორად და რეჟისორად.
1976 წლიდან იყო ანიმაციური ფილმების სტუდია “ორბის” რეჟისორი. ხოლო, 1996 წლიდან ამავე სტუდიის დირექტორი.
იგი არაერთი ქართული ფილმის დამდგმელი რეჟისორია, მათ შორის: “ქვასანაყი” (ანიმაციური, 1976), “კაცუნები”(ანიმაციური, 1978), “ფაკირი”(ანიმაციური, 1979), “პროფილი და ანფასი” (ანიმაციური, 1988), “ალიყური” (ანიმაციური, 1989), “განხეთქილების ვაშლი” (ანიმაციური, 2003) და სხვ.; სცენარის ავტორია ფილმების: “კაცუნები”(ანიმაციური, 1978), “ფაკირი”(ანიმაციური, 1979), “პროფილი და ანფასი”(ანიმაციური, 1988), “ალიყური”(ანიმაციური, 1 989), “განხეთქილების ვაშლი” (ანიმაციური, 2003) და სხვ.; ანიმატორია ფილმების: “გმირი” (ანიმაციური, 1963), “ბომბორა” (ანიმაციური, 1968), “ქვასანაყი” (ანიმაციური, 1976) და სხვ.
კომენტარები