“რეჟიმის სადისტური მიდრეკილება” – მცირე დარბაზი და გამქრალი სკამები – ზურაბიშვილი ამაღლობელის პროცესს ესწრება

ფოტო: ინფო იმერეთი

რეჟიმის სადისტური მიდრეკილება იმაშიც გამოიხატება, რომ არჩეულ იქნა მცირე დარბაზი და ამოღებული სკამები – ამის შესახებ საქართველოს მეხუთე პრეზიდენტი, სალომე ზურაბიშვილი წერს, რომელიც ქუთაისის სააპელაციო სასამართლოში მზია ამაღლობელის პროცესს ესწრება.

ზურაბიშვილი მადლობას უხდის დაპატიმრებულ ჟურნალისტს და დარწმუნებულია, ვინც არ უნდა იყოს ხვალ საქართველოს ლეგიტიმური პრეზიდენტი, მზიას ბრწყინვალების ორდენი მიენიჭება.

28ზე მეტი ოჯახის წევრი და მხარდამჭერი ვერ უნდა ამხნევებდეს ადამიანს, რომელსაც საქართველო და მსოფლიო აღიარებს ღირსეულ პიროვნებად, პროფესიონალ ჟურნალისტად და თავისუფლებისთვის შეუპოვარ მებრძოლედ.
ბევრი საერთაშორისო ჯილდო მიიღო მზიამ! თუმცა მთავარი მიანიჭა საკუთარ საზოგადოებამ სამშობლოს სიყვარულისთვის.

ვინც არ უნდა იყოს ხვალ საქართველოს ლეგიტიმური პრეზიდენტი, დარწმუნებული ვარ მიენიჭება მზიას ბრწყინვალების ორდენი!
მადლობა მზია მაგალითად რომ მოგვევლინეთ და თქვენს მაგალითზე  ვრწმუნდებით, რომ საქართველოში ღირსებას, განათლებას და ჭეშმარიტ პატრიოტიზმს მომავალი გააჩნია. ესეიგი საქართველო გადარჩება!”- წერს სალომე ზურაბიშვილი.