ჟურნალისტი, ეკა ჯანაშია:
“მარტვილში რესტორან “სანაპიროში” შევედით მე და ჩემი მეგობარი. სუტყუილად.
ღია რესტორნის შესასვლელთან, ვიღაც ჩაფსკვნილმა ტიპმა, აი კისერი რომ არ აქვს, ისეთმა, აქ მოიცადეთო გვითხრა. არადა, ეზო სავსეა ცარიელი მაგიდებით. მეთქი აქ ვერ მოვიცდი, ძალიან მშია და ეზოში შევედი. ცოტა ხანში ეს ტიპი რესტონის დიასახლისთან ერთად მოგვადგა. ლამაზმა ცისფერთვალება ქალბატონმა გვითხრა რესტორანი დაკეტილია და ვერ მიგიღებთო. გადახურულ ვერანდაზე, სუფრა იყო გაშლილი და ქეიფიბდნენ. მეთქი როგორაა დაკეტილი ხალხი ქეიფობს, ამ ხალხმა დაკეტა და ვერ მიგიღებთო. ძაან მშიოდა, მომეშალა ნერვები. მეთქი ვინაა ასეთი რესტორანში რომ არ გვიშვებსთქო და შევეცადე დამენახა ისინი. კარგად ფერხორციანი და გამოკვებილი ორი მამაკაცი დავინახე მხოლოდ . ჩაფსკვნილმა ტიპმა ჭიდაობა დამიწყო რა შენი საქმეა ვინ არიანო. მერე ჩემთან ლაპარაკი შეწყვიტა და ჩემს მეგობარს კაჩაობა დაუწყო, წამო კაცურად ვილაპარაკოთ “ქალს რას ალაპარაკებო” . რესტორნის სანდომიან დიასახლის ბოდიში მოვუხადე, ამ გორილააბრაზნი” ტიპს კიდე, მეთქი ძველბიჭობა შეწყვიტე შე ბონძღო, დაცვა ხარ და შესაბამისად მოიქეცი, როგორც სტატუსი გავალდებულებს და ეკადრებათქო. ვიგრძენი, მხოლოდ “კაჩაობით” არ დასრულდებოდა და ვიდრე ძალადობაზე გადმოვიდოდა, კამერა ჩავრთე. ეგრევე გაგვეშვა.
პ.ს. ციცო დეიდასთან მოვედი და დავპურდი უგემრიელესად.
ახლა რესტორნის აკანკალებულ, შეშინებულ მეპატრონეზე ვფიქრობ, უკვე მანქანაში ჩამსხდრებს რომ მოგვვარდა ისტრიული, ვის იღებდით, რატომ გადაიღეთო. ერთიანად ცახცახებდა.
მარტვილი პატარა ქალაქია.
დავინტერესდი რამ შეაშინა ეს რესტორნის მეპატრონე კაცი, ასე ძალიანთქო და მითხრეს, რომ წულუკიანი ქეიფობს რესტორანში ადგილობრივ ქოცებთან ერთადო
კომენტარები