“ენმ” – ის წევრი, რომან გოცირიძე:
საინტერესოა ჯო ბაიდენის კომენტარი: რუსებმა ხერსონის დატოვების შესახებ ოფიციალური განცხადება ამერიკაში არჩევნების დამთავრების შემდეგ გააკეთესო.
რესპუბლიკელების სერიოზული შეცდომა იყო ანტიუკრაინული რიტორიკა, რომელიც ფულის ამერიკელ ხალხზე და არა უკრაინისადმი სამხედრო მხარდაჭერაში დახარჯვას გულისხმობდა. რუსეთს რომ იარაღით ვერ დაამარცხებ, ამ მითის შესანარჩუნებლად არ აცხადებდა პუტინი ხერსონში კრახს, რათა გავლენა მოეხდინა ამერიკის არჩევნებზე.
მიუხედავად იმისა, რომ არჩევნების შედეგები ბოლომდე არ არის ცნობილი, იგი რესპუბლიკელებისათვის ძალიან დამაზიანებელი აღმოჩნდა. ეს ის გამარჯვებაა (ალბათ წარმომადგენლობით პალატას მოიგებენ), რომელიც მარცხის ტოლფასია.
უკრაინა მორალური ტესტი გახდა მთელი მსოფლიოსათვის, ქვეყნებიდან და მთავრობებიდან დაწყებელი, ცალკეული ადამიანით დამთავრებული.
კომენტარები