ანთროპოლოგი, ლევან შენგელია, სოციალურ ქსელში, წერს:
“ადრე ლაჩრობა სირცხვილი იყო! ახლა პოლიტიკური პოზიციაა და არგუმენტად გამოიყენება! რადგან ასე მოხდა, ჩვენც უნდა მოვერგოთ სიტუაციას და შესაბამისად ვილაპარაკოთ.
მაშ ასე – რჩევები იმათთვის, ვისაც ომის ეშინია!
(“აბა, ომი გინდა?!”)
ომი თითქმის არავის უნდა! ოღონდ წინასწარ უნდა ვიცოდეთ ზოგადი წესი, რომ ომის თავიდან აცილების ასპროცენტიანი გარანტია არ არსებობს!
აი, როგორ შევამციროთ ომის შანსი – ამაზე ვილაპარაკოთ!
თუ გეშინია – შეიარაღდი, რადგან მტერი შეუიარაღებელზე თავდასხმას უფრო ადვილად გადაწყვეტს!
თუ გეშინია – ეძებე მეგობრები, ვინც დაგეხმარება ომის დროს! (ოღონდ ისიც იცოდე – მეგობრობას ერთი ნაკლი აქვს – მეგობრობა ორმხრივია და მეგობარი იგივეს ელის შენგან!)
თუმცა, არსებობენ ისეთებიც, ვისაც არ ეშინია და ომი უნდა! თუ ომი გინდა – გამოაცხადე, რომ ხელის გამძრევი არ ხარ და ძალიან მალე მტერს დაინახავ საკუთარ ოჯახში შემოვარდნილს, რადგან კაპიტულანტი იოლი მოსაკლავია და მტერი ამ შანსს ხელიდან არ გაუშვებს!
თუ ომი გინდა და არ გეშინია – თამამად უარი თქვი მეგობრებზე, რადგან მეგობრების ყოლამ შეიძლება მტერი შეაფიქრიანოს და ომზე ხელი ააღებინოს!
მოკლედ, არჩევანი შენზეა – თუ ასე გეშინია ომის, შეიარაღდი და მეგობრებთან ერთად ემზადე ომისთვის, რადგან მხოლოდ ამით თუ აიცილებ ომს!
ხოლო თუ უშიშარი ხარ და ერთი სული გაქვს ომში ამოყო თავი – იარაღზე და მეგობრებზე უარი თქვი, რათა მტერი უყოყმანოდ და სიხარულით დაგესხას თავს!”
კომენტარები