,, რაც მის შესახებ ფართო საზოგადოებამ იცის, ყველაფერი მისი მტრების მოგონილია” – თამარ ჩერგოლეიშვილი გიგა ბოკერიაზე

,,ტაბულას” დამფუძნებელი, თამარ ჩერგოლეიშვილი სოციალურ ქსელში წერს:

,,დაახლოებით რომ მიხვდეთ, გიგა საკუთარი თავისგან როგორი დაცლილია და როგორ არ უყვარს წინ ყოფნა, გუშინდელ ამბავს მოვყვები.

ნანას მილოცვა უნდოდა და ფოტო ჩამიგდეო.

ჩავუგდე მისი და დედამისის ბავშვობის ფოტო.

და არა! ისეთი მირჩევნია, სადაც მე არ ვარო.

თავისი ფოტოს დადება თვითგანდიდებად მიაჩნია.

ამიტომაა, რომ რაც მის შესახებ ფართო საზოგადოებამ იცის, ყველაფერი მისი მტრების მოგონილია.

ვაკუუმს ქმნის მის შესახებ 30 წელია და ამ ვაკუუმს მტრები ავსებენ.

როგორი იძულებული იმპერიაც ამერიკაა, ზუსტად ისეთი იძულებული პოლიტიკოსია გიგა ?

მე ამ თვისების დაბალანსებას ვცდილობ, ამიტომ მე დავდებ მსოფლიოში ყველაზე ინტროვერტი პოლიტიკოსის და მისი გენიალური დედის ფოტოს ?”