„რაც დრო გადის, თბილისი უფრო და უფრო მაშინებს. ეს არის მთავარი ქალაქი საქართველოში და არა მარტო საქართველოში, არამედ მახლობელ რეგიონებში, საიდანაც ხალხი აგრესიული განწყობით ჩამოდის, რადგან მათ უნდათ რომ ყველაფერი აგრესიულად, სხვის ხარჯზე, დომინანტურად მიიღონ,“ – წერს სოციალურ ქსელში ანალიტიკოსი ნუკრი შოშიაშვილი.
შოშიაშვილი ამბობს, რომ ზიზღი და უნდობლობა, რომელიც საზოგადოებაში უკანასკნელ ხანს გაბატონდა, კარგ შედეგს არ მოიტანს.
„აი ეს ატმოსფერო ცხოვრების ყველა სფეროშია. “მე მოვედი რომ ყველაფერს მივაღწიო, ვინც კი წინ გადამეღობება გადავუარო” – და ძალიან ბევრ ადამიანი ვერ აღწევს თავის მიზანს და ბოროტდება. ეს გაბოროტება, უნდობლობა, ზიზღი დღითი დღე ჭარბობს იმას, რაც ადრე იყო – მეგობრობას, ურთიერთპატივისცემას, სიყვარულს. ხოლო ვინც მიაღწია, ისინიც აგრესიულად ცდილობენ საკუთარი “წარმატების” დემონსტრირებას, აი ის რომ თქვენზე უკეთესია და წარმატებული ყოველდღე უნდა გაუსვას ხაზი.
და ამ პროცესში აღმოვაჩენთ, რომ იმ თბილისისგან, რომელიც ესე გვიყვარდა, არაფერი რჩება. თითქოს ამ ზიზღმა, გაბოროტებამ გადაუარა და სხვა არაფრის კვალი არ დატოვა,“- წერს ნუკრი შოშიაშვილი.
კომენტარები