ჟურნალისტი ეკა წამალაშვილი ზურაბ ნოღაიდელზე:
„ზურაბ ნოღაიდელი 2007 წლის 7 ნოემბრის ამბებიდან მალე წავიდა თანამდებობიდან, ყოველგვარი პროტესტის გარეშე. ამბავი უფრო გაშვებას გავდა, ვიდრე წასვლას. უშუალოდ ნოემბრის პოლიტიკურ მღელვარებაზე და დაძაბულობაზე ის სრულად იზიარებდა პრეზიდენტის და ხელისუფლების სხვა წარმომადგენლების პოზიციას.
პრემიერ -მინისტრობიდან წასვლის მერე იყო ბიზნესში, კახა კალაძის “კალა კაპიტალს” ჩაუდგა სათავეში. ცოტა ხანში დაიწყო პრემიერ-მინისტრის პოსტზე თავისი შემცვლელის – ლადო გურგენიძის – კრიტიკა, მერე კი მთლად სააკაშვილის, განსაკუთრებით – 2008 წლის ომთან დაკავშირებით.
ნოღაიდელი ნინო ბურჯანაშვილთან ერთად იყო პიონერი, აგვისტოს ომის მერე მოსკოვისკენ გზის გაჭრაში. ამ დროიდან მარტო 2010 წლამდე ზ. ნოღაიდელი 10 ჯერ ჩავიდა იქ. ხვდებოდა ვის არა: კარასინიდან და გრიზლოვიდან დაწყებული, პუტინით დამთავრებული. თავის სამარცხვინო პარტიაში ყავდა ისეთი ტიპაჟები, როგორიც სიმბოლურად პეტრე მამრაძეა.
ნოღაიდელის პარტიამ მოსკოვში 2009 წელს გააფორმა ურთიერთთანამშრომლობის ხელშეკრულება პუტინის “ედინნაია რასიას” – თან. იმ “სისხლიან 9 წელში” მთელი ამ შავ-ბნელი აქტივობისთვის არავინ შეხებია, “რეჟიმს” კი ეძახიან.
რა გზასაც ნოღაიდელი ასე აშკარად დაადგა 2008 წლის ომის მერე, სამშობლოს ღალატის გზა იყო. რაც მერე ივანიშვილმა და მისმა გარემოცვამ ამოღვარა რუსეთის წინაშე სააკაშვილის და საქართველოს დასადანაშაულებლად, ყველაფერი მანამდე ქნა ნოღაიდელმა, ტაბუ მან მოხსნა დამპყრობელთან გაწოლას ბურჯანაშვილთან ერთად. ორივე იყვნენ და არიან სააკაშვილის პოლიტიკური მტრები და ორივე ივანიშილის მართლმსაჯულებამ დაიყენა ცრუ მოწმეებად სააკაშვილის წინააღმდეგ შეთხზულ, რუსულ საბრალდებო საქმეებში.
ქოცობაში ზ. ნოღაიდელი დასაქმებულია “მოწმედ.”აი, “მაგდანას ლურჯაში” რომაა მოწმე თედო ღუნაშვილი, ისეთ მოწმედ: ხან ე.წ. შეწყალების საქმეზე, ხან 7 ნოემბრის საქმეზე. ეს კი არა, კატროგრაფების საქმეზეც კი გამოკითხეს ” მოწმედ.” მილიონერი კია და “დაღლილი,” მაგრამ რა ენაღვლება? რაც 2009 -ში იკადრა, მაგის მერე უკადრებელი რაღა დარჩა?
“ვარდების რევოლუციის” მემკვიდრე ხელისუფლების დიდი სირცხვილი, რომ პრემიერ-მინისტად ეს ყოვლად სამარცხვინო პერსონაჟი ყავდა.“
კომენტარები