პრემიერმინისტრმა, გიორგი გახარიამ ჯანდაცვის მინისტრს და დაავადებათა კონტროლის ეროვნული ცენტრის ხელმძღვანელს, დაავალა, მედიასთან “უაღრესად მკაცრები იყვნენ” და კორონავირუსთან ბრძოლაში წარმატების მიზეზი ახსნან:
“ბატონო ამირან, ასევე ქალბატონო ეკა, მინდა გთხოვოთ, რომ დღეს მედიასთან იყოთ უაღრესად მკაცრი. პირველი, უნდა ავუხსნათ, რა ხდება რეგიონში. მეორე, უნდა ავუხსნათ, რა იყო წარმატების მიზეზი და მესამე, უნდა ავუხსნათ, რომ თუ ეს ინსტრუმენტები ხელში არ დაგვრჩა, რთული იქნება და მეოთხე, გამოდის, რომ მესამე ფრონტი დაგვემატა. რაც გუშინ ხდებოდა, ჩვეულებრივი ცირკი იყო”
“ალია” – ბატონო გიორგი, ახლავე გეტყვით, რატომ ვერ იქნება ვერც ტიკარაძე და ვერც გამყრელიძე მკაცრი:
26 იანვარს “ალიაში” დაიბეჭდა პირველად ექიმების მოთხოვნა, რომ ქვეყანას დაეწყო საკარანტინე სივრცეების მოწყობა – მიუხედავად ამისა, ჩინეთიდან ჩამოფრენილი ჩვენი მოქალაქეები სხვა ქვეყანებს გადაჰყავდათ თავიანთ საკარანტინე სივრცეებში და მხოლოდ 21 თებერვალს გადავიყვანეთ პირველად 30 მოქალაქე კარანტინში!
არც ის დაგავიწყდეთ, რომ მიუხედავად ამ დროის გასვლისა – თითქმის ერთი თვის მერე გახსენით, მას შემდეგ “ალიას” გვერდიდან ამას ექიმები ითხოვდნენ – მთავრობამ ვერ მოახერხა და ვერ დაადგინა დროულად ერთი ადამიანის ერთი დღის ფასი (რომელიც მერე მოგვიანებით განისაზღვრა 100 ლარით) და პირველი ერთი თვე მილიონობით მეტი თანხა გადაიხადეთ ბიუჯეტიდან – ზოგ სასტუმროში ნომერში 300 ლარამდე გადაიხადეთ!
22 თებერვალს უკვე მედიამ გააჟღერა რომ ირანის ყველა ქალაქში იყო მოდებული ვირუსი!
მიუხედავად ამისა, ირანთან სახმელეთო საზღვარი 17 თებერვალს ჩაკეტეთ.
26 თებერვალს დაფიქსირდა პირველი ინფიცირების შემთხვევა ქვეყანაში და მხოლოდ 2 მარტს ვიხილეთ პირველად სრულად აღჭურვილი სასწრაფო სამედიცინო დახმარება, მიუხედავად იმისა, რომ ექიმები ამასაც 26 იანვრიდან მოყოლებული ითხოვნენ “ალიას” გვერდიდან.
ახლაც კი, მხოლოდ იმ გამოძახებაზე მიდის სასწრაფო ეპიკირებით, სადაც საეჭვო სიმპტოპმებია, თითქოს ჩვენზე უკეთ არ იცოდეთ, უსიმპტომო პაციენტების არსებობაზე.
17 მარტს ექიმების გადამზადების გაიდლაინზე ჯერ კიდევ არ არის მინისტრის ხელმოწერა! – 17 მარტს!
ამიტომ გყავთ ყველაზე დიდი კლასტერი ექიმებში!
8 მაისს ამირან გამყრელიძემ თქვა, რომ ის არ არის განათლებით ეპიდემიოლოგი და თავის თანამშრომლებს ეკითხება აზრს – მიუხედავად ამისა, თქვენ მაინც ჯიუტად ასახელებთ, პრემიერო მას ეპიდემიოლოგად და მისი რეკომენდაციებით მართავთ ქვეყანას.
უამრავი მიზეზის ჩამოთვლა შეგვიძლია, რატომ ვერ იქნება მკაცრი მინისტრი და გამყრელიძე – უამრავი მათი ურთიერთგამომრიცხავი მაგალითის მოყვანა შეგვიძლია, სრული ინფორმაციია ინტერნეტში თარიღების მიხედვით, პრემიერო, როდის რას ამბობდნენ, როდის რას აკეთებდნენ და როგორ.
და ბოლოს, იცით რატომ ვერ იქნება ჯანდაცვის მინისტრი მკაცრი მედიასთან? – მედიას, რომელსაც კითხვები აქვს – არ პასუხობს. არც მკაცრად, არც თბილად – საერთოდ, ბედავს და არ პასუხობს! არც მინისტრი და არც მინისტრის პიარი!
ალია
კომენტარები