ნაციონალური მოძრაობის წევრი რომან გოცირიძე სოციალურ ქსელში წერს:
„პასიური ანტივაქსერი, ანუ ადამიანი, რომელიც არ იცრება, მაგრამ ამას სხვას არ ახვევს თავს, არის ზომიერად ბრიყვი. აქტიური ანტივაქსერი, ანუ ადამიანი, რომელიც არც თვითონ იცრება და ამას სხვებსაც მოუწოდებს, არის დიდი ბრიყვი. აცრილი ანტივაქსერი, ანუ ადამიანი, რომელიც აცრილია, მაგრამ ანტივაქსერებს თანაუგრძნობს, არის აგნოსტიკოსი, რომელმაც არ იცის, არსებობს თუ არ არსებობს, ამიტომ იცრება (იქნებ არსებობს), მაგრამ აცრის შემდეგ დარდებში ვარდება (იქნებ არ არსებობს) და იწყებს აქტიური აცრისმომხრეების კრიტიკას და ტანჯავს საკუთარი გაორება. ასეთ ადამიანს შეიძლება ვუწოდოთ ბრიყვობის კანდიდატი, რადგან კორონაზე აცრა ფაქტობრივად ყოველწლიურ რუტინად გადაიქცევა და მომავალში შეიძლება ან იქით გადაიხაროს ან აქეთ. სწორედ მომავალში გაირკვევა “კანდიდატად” დარჩება თუ “ნამდვილ წევრად” იქცევა. რატომ უნდა ვაწყენინო უამრავ ადამიანს (ამომრჩეველს) ან ნაცნობებს, რა მრჯის რომ მათ ვიმტერებ? ის, რომ დღეს საქართველოში ომიკრონვირუსი დადასტურდა და დიდი განსაცდელი გველის აუცრელობისა და ანტივაქსერობის გამო. აქა ვდგავარ და სხვაგარად არ ძალმიძს. მე კი არ ვამბობ ამას, მარტინ ლუთერმა თქვა“ – წერს რომან გოცირიძე.
კომენტარები