ანი დვალიშვილი
ერთი შეხედვით, საქართველოს პრემიერმინისტრმა ირაკლი ღარიბაშვილმა უცნაური გადაწყვეტილება მიიღო და სომხეთს ეწვია. ოფიციალური ინფორმაციით, ჩვენი პრემიერი სომეხმა კოლეგამ მიიწვია და საუბრის მთავარი თემა ქვეყნებს შორის არსებული პოლიტიკური და ეკონომიკური ურთიერთობები გახლდათ, რეალურად კი…
„ახლოვდება 31 აგვისტო, დღე, როცა რუსეთი ხორბალზე ემბარგოს ხსნის და შესაძლებელი იქნება მისი ქვეყნიდან გატანა. ეს კი იმას ნიშნავს, რომ საქართველოს უფლება ექნება ხორბალი კვლავ რუსეთისგან შეიძინოს, თუმცა ქართული მხარე არ არის დარწმუნებული, რომ რუსეთი ამ ყველაფერს მარტივად დათანხმდება. არაოფიციალურად, საქართველო უმძიმეს დღეშია, რადგან ყველა წისქვილკომბინატი გაჩერებულია და თუ ხორბალი არ შემოვა, ეს ნიშნავს სერიოზულ საფრთხეს. მაგალითისთვის, ზამთარში კვლავ პურის ფქვილზე თუ ვიქნებით დამოკიდებული, საკმარისია რუსეთთან მიმოსვლა ამინდის გამო 1 კვირით დაიკეტოს და ფქვილი ან ფრენით უნდა შემოვიდეს, ან… ან არაფრით, რაც პირდაპირ ნიშნავს პურის დეფიციტსა და შესაბამისად, შიმშილს. ჰოდა, ღარიბაშვილმა სომეხ კოლეგას სწორედ რუსეთთან შუამდგომლობაში სთხოვა დახმარება, რადგან, ჩვენი არ იყოს, სომხეთი ხორბლით სრულად სწორედ რუსეთისგან და რაც მთავარია, საქართველოს გავლით მარაგდება“, – ეუბნებინ „ალიას“.
ისე, ჩვენი არხებით გადავამოწმეთ და პრემიერის განრიგში სომხეთი არ ეწერა და აკი ამბობენ კიდეც, ფაშინიანმა მიიწვიაო, თუმცა სომხურ საიტებზე ოფიციალურად არსად წერია, რომ მიწვევა მათი ინიციატივა იყო. ივნისში პრემიერის საგარეო განრიგი ასე გამოიყურებოდა – ყატარის ეკონომიკური ფორუმი და ესპანეთი.
კომენტარები