სოციოლოგი იაგო კაჭკაჭიშვილი ლილუაშვილის დაკავებაზე:
,,ხელისუფლებას (უფრო ზუსტად, ივანიშვილს) შეეძლო კულუარულად დაესაჯა ღარიბაშვილი, ლილუაშვილი და სხვები. დაესაჯა უმკაცრესად, ბოლო კაპიკამდე ჩამოერთმია მიტაცებული ქონება, შინაპატიმრობაში ჰყოლოდა და ა.შ.
მაგრამ ივანიშვილმა ამჯობინა დიდი ხნის განმავლობაში ქ/ოცნების ხერხემალის საკვანძო ფიგურების საჯაროდ მხილება და დასჯა – მასშტაბური კორუფციის ბრალდებით. ფაქტია, ამით ივანიშვილმა დიდი ბზარი გააჩინა ქ/ოცნების სხეულზე.
და ბუნებრივად ჩნდება კითხვა: რატომ მოიქცა ივანიშვილი ასე? რატომ გაირთულა ცხოვრება? რატომ მოირტყა ფეხში არაერთი ტყვია?
იმის თქმა, რომ ივანიშვილის მიღმა მოხდა ეს ყველაფერი, აბსურდი მგონია. ქ/ოცნების მოქმედ ხელისუფლებას არ გააჩნია ავტონომიურობის ის ხარისხი, რომ ივანიშვილისგან დამოუკიდებლად, მით უფრო, მის საწინააღმდეგოდ იმოქმედოს. მაშ, რაშია საქმე?
ჩემი აზრით, გასაღები აქაც ივანიშვილის მიერ ძალაუფლების შენარჩუნების დაუოკებელ წყურვილში უნდა ვეძებოთ. ივანიშვილს ჰგონია, რომ ის ძალაუფლებას ვერ შეინარჩუნებს, თუ ძველ „ჭურჭელში“ დარჩა; მან ხელისუფლებაში ყოფნის ახალი ციკლი უნდა დაიწყოს ახალი ფურცლიდან, ხოლო ამ ახალი ფურცლის სისუფთავე უფრო გამოაშკარავდება, თუ სიბინძურეს წარსულში დატოვებს, წარსულ ფიგურებთან, მათ შეაზელს. ივანიშვილმა გაწირა უახლოესი გარემოცვა საკუთარი ძალაუფლებისთვის, ანუ თვითგადარჩენისთვის.
თუმცა… მოახერხებს კი ივანიშვილი ძალაუფლების ტყავის გამოცვლას ახალი გუნდით და ახალი ფერუმარილით? მოახერხებს ის ქ/ოცნების სხეულზე გაჩენილი ბზარის ამოვსებას?
რბილად რომ ვთქვა, ამაში ძალიან მეპარება ეჭვი.”
კომენტარები