თამარ ბაჩალიაშვილის დედა დღეს გენერალურ პროკურორს შეხვდება.
თეონა თამაზაშვილი ირაკლი შოთაძეს პროკურორ, მაია გოგორელიანის მხრიდან ზეწოლის შესახებ მიაწვდის ინფორმაციას.
ბაჩალიაშვილის დედა, თეონა თამაზაშვილი ამბობს,რომ შსს-ში ყოფნის დროს, გოგორელიანი მას აბულინგებდა და აიძულებდა ეთქვა, როგორ მოხვდა ჟურნალისტ გიორგი კაპანაძის ხელში ფურცელი წარწერით, რომელიც შესაძლოა, თამარ ბაჩალიაშვილს ეკუთვნოდეს.
ამასთნ, გარდაცვლილი გოგონას დედა ამბობს, რომ გამომძიებლები ოჯახს ადვოკატ მიხეილ რამიშვილის შესახებაც ეკითხება და აინტერესებთ, რატომ არის ის მათი ინტერესების დამცველი და რა ჰონორარს უხდიან ამაში.
“ჩამაცივდნენ, ბულინგი მოახდინეს ჩემზე, რომ გინდა თუ არა, შენ მიეცი კაპანაძეს ის წერილი და მე რომ ჩამეთვალა საჭიროდ, მე ხომ თავის დროს ვიზამდი. თვითონ მოიპოვა კაცმა, ჩათვალა საჭიროდ და გაასაჯაროა” – ამბობს თეონა თამაზაშვილი
თეონა თამაზაშვილის განცხადების შემდეგ, პროკურატურის გენერალურ ინსპექციაში პროკურორის მხრიდან შესაძლო დისციპლინური გადაცდომის ჩადენის ფაქტზე გამოძიება დაიწყო.
კომენტარები