აშშ-ის სახელმწიფო მდივანი, მარკო რუბიო აშშ-ის სავიზო პოლიტიკასა და ვიზების გაუქმების საკითხთან დაკავშირებით საუბრისას, ამბობს:
„ეს არ არის სასჯელი. ჩვენი ვიზის სისტემა ასეთია. ადამიანები, რომელთაც ვუშვებთ ჩვენს ქვეყანაში მოსანახულებლად, უნდა შეესაბამებოდნენ ეროვნულ ინტერესებს. ეს ჩვენ თავიდანვე ვთქვით. ეს ერთ-ერთი დირექტივა იყო, რომელიც პრეზიდენტისგან მივიღეთ…
ზოგჯერ ეს არიან ადამიანები, რომლებსაც ვიზები აქვთ, ისინი შეერთებულ შტატებშიც არიან და აკეთებენ ისეთ რამეს, რაც ეწინააღმდეგება ჩვენს ქვეყანას. შეიძლება, ისინი აქ არიან, როგორც მკვლევრები. შეიძლება, ისინი აქ არიან… არ მინდა ვთქვა, როგორც ჟურნალისტები, რადგან თქვენ გაბრაზდებით, მაგრამ შეიძლება, იყოს ნებისმიერი. ვიზა არის სტუმრობისთვის. ჩვენ ყოველ დღე ვამბობთ უარს ვიზის გაცემაზე, მთელს მსოფლიოში. ადამიანები მიდიან საელჩოში, ისინი სხედან გასაუბრებაზე და კონსული უარს ეუბნება მათ ვიზაზე, რადგან შესაძლოა, რაღაც მოხდა გასაუბრებაზე, ნებისმიერი რამ შეიძლება, იყოს. ამიტომ, თუ გაქვს უფლება, უარი თქვა ვიზის გაცემაზე, გაქვს შესაძლებლობა, გააუქმო იგი მას შემდეგ, რაც მას მიიღებენ. არსებობს სხვადასხვა მიზეზი, რის გამოც ვიზებზე უარს იღებენ, მაგრამ ყველა მათგანი არის იმიტომ, რომ ეს გავლენას ახდენს ჩვენს ეროვნულ ინტერესებზე ან უსაფრთხოებაზე გარკვეული გზით”
აშშ-მა 75 ქვეყნისთვის, მათ შორის საქართველოსთვის, რუსეთისა და ირანისთვის საიმიგრაციო ვიზების გაცემა შეაჩერა. ცნობილია, რომ ვიზების გაცემა 21 იანვარს, განუსაზღვრელი ვადით შეჩერდება
75 ქვეყნის ჩამონათვალი: ავღანეთი, ალბანეთი, ალჟირი, ანტიგუა და ბარბუდა, სომხეთი, აზერბაიჯანი, ბაჰამის კუნძულები, ბანგლადეში, ბარბადოსი, ბელარუსი, ბელიზი, ბჰუტანი, ბოსნია, ბრაზილია, ბურმა, კამბოჯა, კამერუნი, კაბო-ვერდე, კოლუმბია, კოტ-დ’ივუარი, კუბა, კონგოს დემოკრატიული რესპუბლიკა, დომინიკა, ეგვიპტე, ერიტრეა, ეთიოპია, ფიჯი, გამბია, საქართველო, განა, გრენადა, გვატემალა, გვინეა, ჰაიტი, ირანი, ერაყი, იამაიკა, იორდანია, ყაზახეთი, კოსოვო, ქუვეითი, ყირგიზეთი, ლაოსი, ლიბანი, ლიბერია, ლიბია, მაკედონია, მოლდოვა, მონღოლეთი, მონტენეგრო, მაროკო, ნეპალი, ნიკარაგუა, ნიგერია, პაკისტანი, კონგოს რესპუბლიკა, რუსეთი, რუანდა, სენტ-კიტსი და ნევისი, სენტ-ლუსია, სენტ-ვინსენტი და გრენადინები, სენეგალი, სიერა-ლეონე, სომალი, სამხრეთ სუდანი, სუდანი, სირია, ტანზანია, ტაილანდი, ტოგო, ტუნისი, უგანდა, ურუგვაი, უზბეკეთი და იემენი
კომენტარები