დავით სერგეენკო ერთ-ერთი ის დეპუტატია, რომელმაც გაბედა და რუსულ კანონს ხმა არ მისცა. ტვ პირველთან დეპუტატი ადასტურებს იმასაც, რომ მას შემდეგ რაც “ქართულო ოცნების” პარტიული გადაწყვეტილების წინააღმდეგ წავიდა, მისი პოზიციის შეცვლას ირაკლი კობახიძე ცდილობდა.
ტვ პირველის ინფორმაციით, სერგეენკო საგაზაფხულო სამუშაოებითაა დაკავებული და მმართველი პარტიის შეფების ზარებსაც კი არ პასუხობს. მედიის ცნობით,, ჯანდაცვის ყოფილი მინისტრი ერთ-ერთია იმ დეპუტატებიდან, რომლებიც “ქართული ოცნებისა” დატოვებას გეგმავს.
სერგეენკო პირველად ყვება, რატომ გადაწყვიტა პარტიის ლიდერების მოთხოვნის მიუხედავად, რუსული კანონისთვის მხარი არ დაეჭირა.
“ვხედავდი რომ ევროკავშირი, ამერიკა, საზოგადოების დიდი ნაწილი ნეგატიურად იყო განწყობილი. დეტალებში არ შევსულვარ. არ გამიანალიზებია კანონი, მაგრამ ვხედავდი, დამოკიდებულებას და ალბათ ეს იყო გადაწყვეტილების საფუძველი”- ამბობს “შაბათის ეთერთან” სერგეენკო.
სად მიდის სერგეენკო, ტოვებს თუ არა საპარლამენტო მანდატს? კონკრეტულ კითხვებზე პასუხის გაცემა ახლა არ უნდა. მაგრამ მიანიშნებს, რომ მისი პოლიტიკური კარიერა დასასრულს უახლოვდება.
კომენტარები