“რატომ არ მიყავთ ის ექიმები და მარკშეიდერები ფსიქიატრიულში სამკურნალოდ?”

ეკონომიკის ექსპერტი, ირაკლი ლატარია, სოციალურ ქსელში, წერს:

“ასეთი რამ ნეტავ კიდევ სადმე თუ ხდება? ჟურნალისტები იწვევენ: მსახიობებს, მწერლებს, მიკროფონს რომ დაიჭერენ და ჟურნალისტი ვარო იმათ, ეკონომისტებს, ექიმებს, ინჟინრებს, მოცეკვავეებს, მხატვრებს, მომღერლებს, მარკშეიდერებს და ა.შ და ასაუბრებენ თან მტკიცებით ფორმაში იურიდიულ კაზუსებზე, ექსპერტიზაზე, სისხლის სამართალზე და რამდენიმე გაუხსნელ ან/და გასახსნელ საქმეებზე.

მაგრამ აქ ყველაზე მთავარი მაინც სხვა რამაა; აი ეს ზემოთ ჩამოთვლილი ,,პროფესიონალი კრიმინალისტები” რომ დადებენ დასკვნებს, შემდეგ საზოგადოებაც იგივეს იმეორებს და რაც მთავარია ასე გესაუბრებიან – აი იმან რომ თქვაო? არადა ის ,,იმან” არის ძალიან მაგარი მოცეკვავე ან/და მხატვარი

ფსიქიატრიულში ყოველთვის მიყავდათ ისეთი ადამიანები, რომლებიც რომელიმე პროფესიას ან/და პერსონაჟს იმსგავსებდნენ და ახლა რატომ არ მიყავთ ის ექიმები ან/და მარკშეიდერები სამკურნალოდ, რომლებიც ამტკიცებენ რომ არიან ძალიან მაგარი პროკურორები ან/და მოსამართლეები?”