“რატომ არ გაფორმდა დათქმულ ვადაში აზერბაიჯანთან გაზის ახალი ხელშეკრულება?”– რომან გოცირიძე

15 დეკემბერს „შაჰ-დენიზის“ კონსორციუმთან დამატებითი 500 მლნ მ³ გაზის მოქმედ ხელშეკრულებას ვადა ეწურება, 16 დეკემბრიდან კი მიწოდება „სოკარმა“ უნდა გააგრძელოს.

მთავარი არა მხოლოდ გაზის მოცულობა, არამედ ფასიცაა: კონსორციუმის გაზის თავდაპირველი ფასი 1000 მ³-ზე 55 დოლარი იყო, ხოლო წლების განმავლობაში, ინდექსაციის შედეგად, ამჟამად დაახლოებით 75 დოლარს შეადგენს.

რა ფასად მიიღებს საქართველო ახალი ხელშეკრულებით გაზს -ეს არის მთავარი კითხვა.

ნუ დაგვავიწყდება ის ფაქტიც, რომ საქართველომ ბაქო-თბილისი-ერზერუმის გაზსადენში საკუთარი სივრცე გადასცა აზერბაიჯანს, რამაც ამ სახელმწიფოს ევროპაში დამატებითი გაზის გატანის შესაძლებლობა მისცა. დღეს საქართველო აზერბაიჯანიდან გაზს მთლიანად ძველი, ფაქტობრივად ამორტიზებული საბჭოთა გაზსადენიდან იღებს.