ჯანდაცვის მინისტრის მოადგილემ თამარ გაბუნიამ უპასუხა ჟურნალისტის შეკითხვას, თუ რატომ იმყოფება საქართველოს პარლამენტის თავმჯდომარე არჩილ თალაკვაძე თვითიზოლაციაში და არა – კარანტინში:
„არჩილ თალაკვაძის შემთხვევა უბრალოდ საზოგადოებისთვის გახდა ცნობილი, თუმცა არის ბევრი შემთხვევა, როდესაც კონტაქტი გადადის თვითიზოლაციაში. ჩვენ ვთავაზობთ კონტაქტებს გადავიდნენ საკარანტინე სივრცეში, თუ მათ არ აქვთ თვითიზოლაციის პირობები. ეს არის მექანიზმი.
ნებისმიერ ჩვენგანს, რომელიც იქნება ხვალ კონტაქტი და დასჭირდება თვითიზოლაცია, თუ ექნება თვითიზოლაციის შესაძლებლობა და ამას დაადასტურებს საგანგებო მართვის სამსახური, ეს ადამიანი, იქნება არჩილ თალაკვაძე, თამარ გაბუნია თუ სხვა, გადავა თვითიზოლაციაში და არა -კარანტინში.
მიზანშეწონილია, რომ მაღალი რისკის ქვეყნიდან ჩამოსული პირი კარანტინში გადავიდეს. სამწუხაროდ, ჩვენ სავალალო გამოცდილება დაგვიგროვდა, როდესაც მოქალაქეები არღვევენ თვითიზოლაციის პირობებს. რა თქმა უნდა, ქვეყნისთვის ბევრად უფრო მოსახერხებელი იქნება, რომ თვითიზოლაციის პირობა ჰქონდეს მოქალაქეს. ეს დაზოგავდა სერიოზულ რესურსსაც და იქნებოდა ნაკლებად სტრესული, მაგრამ დღეს ამისი დაცვის გარანტიები არ არის”
რაც გავიგეთ ჯანდაცვის სამინისტროდან, ისაა, რომ მიზანშეწონილია, რომ მოქალაქე მაღალი რისკის ქვეყნიდან ჩამოსვლისას, განსაკუთრებით კი, თუ მას ინფიცირებულთან ჰქონდა შეხება, გადავიდეს კარანტინში, რადგან მოქალაქეები, რომლებიც მიდიან თვითიზოლაციაში, არღვევენ იზოლაციის პირობებს. ალბათ, თალაკვაძემ დაიფიცა, რომ არ დაარღვევს თვითიზოლაციის პირობებს და გვჯერა.
ცნობისთვის, პარლამენტის თავმჯდომარის პირადი დაცვის თანამშრომელს კორონავირუსი დაუდასტურდა, რის გამოც არჩილ თალაკვაძე თვითიზოლაციაში გადავიდა.
კომენტარები