ჯანდაცვის მინისტრი, ეკატერინე ტიკარაძე, პარლამენტში დასმუ კითხვას პასუხობს:
“რატომ აქვს ასეთი არაადამიანური ფასი წამლებს? – არ მოგეწონათ ჩემი პასუხი, მაგრამ სამწუხაროდ, სხვა პასუხს გაცემთ, მე დღეს ვარ ჯანდაცვის მინისტრი და მხოლოდ ჩემი კომპეტენციის ფარგლებში შემიძლია პრობლემას ვებრძოლო.
ჩვენი უწყება ვალდებულია იმუშაოს წამლის ხარისხთან მიმართებაში, ვმუშაობთ და მოვახერხებთ იმას, რომ ჩვენ მოქალაქეებს არ შეექმნებათ საფრთხე, რომ ისინი ყიდულობენ ზიანის მომტან, გაურკვეველ პრეპარატებს. და ავიღეთ ვალდებულება ყველაზე მოწყვლადი მოსახლეობისთვის, ქრონიკული მოავადებებისთვის და იშვიათი დაავადებების მქონე მოსახლეობისთვის მედიკამენტების მიწოდება ყოფილიყო უწყვეტი, სამართლიანი და ხელმისაწვდიმი – ეს ხორციელდება სხვადასხვა ვერტიკალური პროგრამით და 36-ე დადგენილებით.
რაც შეეხება ფასებთან მიმართებაში, ეს არის ეკონომიკური საქმიანობა, რომელიც ამ ეტაპზე, ქვეყანაში არ რეგულირდება. არ არის ჩვენი კომპეტენცია ეს, მაგრამ ვმუშაობთ კონკურენციის და ეკონოომიკის სააგენტოსთან ერთად, რადგან ვიპოვოთ ის სწორი გზები, რომელიც საშუალებას მოგვცემს მოქალაქეებს მივაწოდოთ ხარისხიანი მედიკამენტი სწორ ფასად.”
მინისტრმა დღეს დაანონსა ქვეყანაში წამლის მაკონტროლებელი ეროვნული ლაბორატორიის გახსნაც. დღეს მინისტრმა ისიც თქვა, რომ არსებული მდგომარეობით, ქვეყანაში არ არსებობს შეზღუდული შესაძლებლობის მქონე პირთა მონაცემთა ბაზა.
დღეს 2021 წლის 28 აპრილია და ჯანდაცვის მინისტრი გვიყვება, რომ ქვეყანაში არ გვაქვს შშმ პირთა მონაცემთა ბაზა, არ გვაქვს წამლის მაკონტროლებელი ლაბორატორია, არ შეგვიძლია მოქალაქეების დაცვა ზიანის მომტანი, გაურკვეველი პრეპარატებისგან, ამაზეც აწი ვიმუშავებთ და არც ფასები რეგულირდება…
სამაგიეროდ, ჯარიმები და სანქციები გაიზარდა, სამაგიეროდ, ეროვნულმა ბანკმა რეფინანსირება 9,5 პროცენტამდე გაზარდა, სამაგიეროდ, გუშინ ანა მიქაძემ განაცხადა, რომ “თბილისი ენერჯიდან” დაემუქრნენ, თუ გაზის გადასახადს არ გადაიხდიდა, მთელ კორპუსს გაუთიშავდნენ გაზს და სემეკი ამ საკითხზე ჯერ კიდევ სდუმს – მოკლედ, ჩინოვნიკების, ბიზნესმენების, კომპანიების ჯიბეზე სახელმწიფო კარგად ზრუნავს და აი, ხალხზე ზრუნვას აწი დაიწყებენ, რა არის საჩქარო?
კომენტარები