გაუგონარი ამბები ხდება საქართველოში, დაუჯერებელი და სრულიად ამაზრზენი! არადა, აქ რომ სამოქალაქო საზოგადოება მოწოდების სიმაღლეზე იდგეს, ეს ურცხვი, მძარცველი, მონოპოლისტი კომპანიები ვერც ამდენს გაბედავდნენ და არც ჩვენ ვინერვიულებდით ამდენს….
ორიოდე კვირის წინ, „ალიას“ მკითხველი გაეცნო ჩემს სტატიას, რომელიც საქართველოს ფოსტას ეხებოდა! ჩვენს ვებ-გვერდზეც განთავსდა და ჩვენს სოციალურ ქსელში ეს სტატია. ინტერნეტში, „ალიას“ მკითხველთა სოლიდური ნაწილი ჩვენი ემიგრანტები არიან!
30 000-მდე მკითხველი ორიოდ დღეში დაფიქსირდა, კომენტარები კი ისეთი იყო, საქართველოს ფოსტის ხელმძღვანელობას, ეს რომ სახელმწიფო იყოს, მშვიდად არ უნდა ეძინოს თავის ნაბადთან ერთად, მაგრამ…..
მოხდა უარესი და სწორედ ამიტომ გადავწყვიტე იგივე თემას დავბრუნებოდი…
მოკლედ, იტალიიდან ჩემი ოჯახის წევრები, ხშირად მიგზავნიან ამანეთებს და იგივე მოხდა ამ სამიოდე კვირის წინაც…
ოღონდაც, კრიტიკული წერილი, რომელიც მრავალმა ათასმა ადამიანმა წაიკითხა, უკვე გამოქვეყნებული იყო, რამდენიმე დღით ადრე!
ამჯერად, ჩემმა დამ 3 ამანათი გამოაგზავნა, თითოეული შესაბამასი ნომრით და ზედ მიწერილი ჩვენი საკონტაქტო ტელეფონებით – ნინო, ირინე და სანდრო გოგოსაშვილის სახელზე! გადაიხადა წონის და გამოგზავნის ფული, დაგვირეკა ამა და ამ რიცხვში მანდ იქნება, მესიჯი მოგივათ საქართველოს ფოსტიდან და გაიტანეთო!
საქართველოს ფოსტა თავის ოფიციალურ საიტზე, იტალიიდან გზავნილების გასწვრივ წერს – ყველაზე სწრაფი და ხარისხიანი მომსახურება! 1 კგ ფასი იტალიიდან საქართველოში 1,5 -2 ევრო და ა.შ… თითოეული ამანათი დაახლოებით 7-8 კგ-მდე!
ამასობაში კი ხდება ასეთი, რამ…..ნინოს და სანდროს, საქართველოს ფოსტა ამანათის ჩამოსვლის დასტურად უგზავნის მესიჯს, ამანათი ჩამოსულიაო და აქ საგულისხმოა ერთი გარემოება -10 დღეში საქართველოს უკიდურეს აღმოსავლეთში, კერძოდ ლაგოდეხში ჩააქვთ ამანათი, აქვე თბილისში ნინომაც მიიღო და ჩემ სახელზე გამოგზავნილი ამანათი კი დღემდე არ ჩანს!!! ანუ 3 კვირის, უფრო კონკრეტულად კი 21 დღის განმავლობაში, ჩემს სახელზე გამოგზავნილ ამანათს ცამ უყო პირი თუ მიწამ, ვარკვევ და დღემდე ვერ გამირკვევია!
ეგ კიდევ არაფერი, ვიდრე მილანის საქართველოს ფოსტის ოფისიდან ამანათების შემგროვებელი ახალგაზრდა ბიჭი, ვინმე ნიკა მივიდოდა, ჩემ დასთან, ოფისის ხელმძღვანელმა ვინმე ნატომ დაურეკა, რომელსაც 3 კვირის წინ უკვე წაკითხული ჰქონდა ჩემი კრიტიკული სტატია საქართველოს ფოსტის შესახებ და უსაყვედურა – რას ნიშნავს თქვენი დის მიერ „ალიაში“ გამოქვეყნებული სტატია, რომ გვლანძღავს, რა, ცუდად გემსახურებით, განა ჩვენი მუდმივი კლიენტი არ ხართოო?
ვიცი, ამ სტატიასაც წაიკითხავს ვინმე ნატო და მივმართავ მას – ქალოოო! 2 კვირაა გირეკავთ, გვემალები და ტელეფონთან არ მოდიხარ, შენი თანამშრომლები ყოველ ჯერზე იტყუებიან ჩემს მოთხოვნაზე – ამანათის ნომერი გვითხარით, ქსელში კომპიუტერით რომ მოძებნონ თქვენივე საქართველოს ფოსტის ოპერატორებმა-თქო და აქეთ წაიგდე ენააა? დღემდე ვერ მივაღწიე იმას, რომ შენივე კომპიუტერში მოძებნო, რა ნომრით გამოაგზავნეთ ჩემი ამანათი და კიდევ აქეთ იქადნები, რას ნიშნავს და როგორ გავბედე თქვენი კრიტიკაა?
გასაგებია, რომ ფული იშოვე, სამსახურშიც აქა-იქა დაბრძანდები, მაგრამ ამჯერად სრულებითაც არ გაქვს დამშვიდების და ცხოვრებით ტკბობის დრო იმიტომ, რომ ჩემთან მოგიყვანა შენმა არაპროფესიონალიზმმა და აწი ვერც „სუსი“ გიშველის, რომლის წყალობითაც „გოროდი ნახე“, ჯიბე გაისქელე და გგონია, რომ იდედოფლე!
21 დღე გავიდა შე უტიფარო, 21 დღე 10 დღის ნაცვლად და გაღმა მოდავეს გამოღმა მედავები, რატომ გვლანძღავსოო? ველოდები ან შენს ოფისში დაპატიმრებულ ჩემს ამანათს ანდა სულაც თქვენივე დაუდევრობით დაკარგულს და შეიგნეთ – დაკარგულის დაბრუნებას საკუთარი ჯიბიდან აანაზღაურებთ, პლუს მაგას წონის და გაგზავნის საფასურთან ერთად!!!! მესმის, რომ არც პირველი ვარ და არც უკანასკნელი, ვისაც საქათველოს ფოსტამ ამანათი დაუკარგა, საფასური არ აუნაზღაურა, აღნიშნულ დროში არ ჩაუტანა, მაგრამ ამჯერად ნურას უკაცრავად – გაპოვნინებთ კიდეც, აგანაზღაურებინებთ კიდეც და სამსახურიდანაც ისე მოგისვრიან, როგორც მზე მაღლა!!!
ამ წერილს აგრეთვე წაიკითხავენ ჩვენი ემიგრანტები, რომლებიც მსოფლიოს სხვადასხვა ქვეყანაში იმყოფებიან და დამიდასტურებენ, რომ საქართველოს ფოსტა არათუ საუკეთესო, არამედ მსოფლიოში ერთადერთი გადამზიდავია, რომელიც დაკარგულ, შელახულ და დაგვიანებულ ტვირთზე ყველანაირ პასუხისმგებლობას იხსნის და რომელსაც მომსახურების ტარიფში – ტვირთის დაზღვევა არ აქვს შეტანილი!!!
სამაგიეროდ, საბაჟო დეკლარაციის შევსებაში, რომელსაც კომპიუტერი პროგრამულად 1 წამში აგდებს 1 თაბახის ფურცელზე, ღირს 20 ლარი!
მე არ მახსენდება არც ერთი შემთხვევა, როცა საქართველოს ფოსტამ თუნდაც 1 შეტყობინება გამომიგზავნა ტექსტით – ,,გაცნობებთ რომ თქვენი ამანათი ჩამოსულია, მიაკითხეთ ამა და ამ მისამართზეო!“ ვიმეორებ არც ერთხელ მსგავსი რამ ჩემს ტელეფონზე არ დაფიქსირებულა და თუ ვტყუი, შეამოწმონ!
პირიქით კი ბევრჯერ ყოფილა და თითქოს მათი თანამშრომელი ვიყო, ჩემივე ამანათს მე თვითონვე ვეძებ ხან მილანის ოფისის ხელმძღვანელ ნატოსთან ნომერზე + 39 137 77 365, ხან საქართველოს ფოსტის ცხელ ხაზზე სადაც დიდხანს უნდა ელოდო, ვიდრე ოპერატორი გიპასუხებს, ამაშიც ფული უნდა ხარჯო, თუ ბედმა გაგიღიმა და ამანათი ჩამოგიტანეს, ტრანსპორტშიც ფული უნდა გადაიხადო და ბოლო-ბოლო, საქართველოს ფოსტისთვის მიმუშავია და არ მცოდნია მათი შემომწირველიც რომ ვყოფილვარ!!!
და ბოლოს….
მივმართავ საქართველოს ბანკის მეპატრონე ლევან ჩიკვაიძეს:
ამანათი დაიდოოს!
თქვენს ხელის გოგო ნატალიას მიხედეთ, სამსახურში არ დადის, სატელეფონო ზარებს არ პასუხობს, ისევე როგორც არ ასრულებს მასზე დაკისრებულ მოვალეობას და კლიენტს 3 კვირა აწვალებს ამანათის ნომრის გასაგებად!
აბა ჰე, დროზე და დროებით!!!
ირინე გოგოსაშვილი, ალია
კომენტარები