• რეკლამა
  • კონტაქტი
09:00, ოთხშაბათი, 10 სექტემბერი, 2025
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

რას გააკეთებს ხვალიდან შსს 23 წლის დაკარგული გოგოს საპოვნელად? – აქციის შემდგომი ნაბიჯები

ალია ავტორი - ალია
01:32 07-22-2020
- ახალი ამბები, მთავარი, რედაქტორის რჩევით
A A
0
Facebook-ზე გაზიარება
44

4 დღის წინ 23 წლის თამარ ბაჩალიაშვილი, საკუთარი ავტომობილით, ვერცხლისფერი “ჰიუნდაით”, დღის 11 საათზე სახლიდან გავიდა და მას შემდეგ გაუჩინარდა.

დედა ამბობს, რომ მას თან არაფერი წაუღია, გარდა საბუთებისა და საფულისა, რომელიც ყოველთვის ჩანთაში ედო.

12 საათზე მანქანა მარნეულში დაფიქსირდა, შემდეგ კი თეთრიწყაროს სოფელ ხიხანში. მისი კვალი უკვე სოფელ გოლთეთში იკარგება.

დაკარგული გოგოს დედა თეონა თამაზაშვილი აცხადებს, რომ თამარ ბაჩალიაშვილმა განათლება საფრანგეთში კიბერუსაფრთხოების დარგში მიიღო. ამბობს ასევე, რომ დღემდე არ იცოდა მისი შვილის სად მუშაობდა.

გაუჩინარებამდე 2 დღით ადრე თამარი სამსახურიდან წამოვიდა, როგორც მისი მეგობრები ამბობენ.

მიუხედავად ამისა, დღემდე საიდუმლოდ რჩება, სად მუშაობდა 23 წლის გოგო, რომელიც ასე უცნაურად გაუჩინარდა და ერთ პატარა სოფელში გაქრა მანქანიანად.

დღეს საღამოს ოჯახმა და ახლობლებმა აქცია გამართეს და ითხოვდნენ შსს-სგან ეთქვათ, რა ეტაპზეა ძიება, დედა ითხოვს, გააცნონ საქმის მასალები, მინიმუმ ის მაინც უთხრან, კიდევ სადმე ჩანს მისი შვილის კვალი, თუ არა.

აქციის მონაწილეებმა გზის გადაკეტვა სცადეს, პოლიციამ აქციის მონაწილე დააკავა. ახლობლები მაინც არ დაიშალნენ და მხოლოდ ამის შემდეგ მიდის დედასთან აქციაზე გამომძიებელი, რომელიც ამბობს, რომ ყველაფერს აკეთებენ.

კითხვას – რას ნიშნავს ყველაფერს ვაკეთებთ და რა შედის ამ ყველაფერში, გამომძიებელს პასუხი არა აქვს.

მეტიც, ის აქციაზე მყოფ დედას ეკითხება, ხომ არ იცის მისი ქალიშვილის კომპიუტერის პაროლი, რადგან, მთელი 4 დღის მანძილზე, თურმე, პაროლი ვერ გატეხეს და შესაბამისად, ვერც მიმოწერა წაიკითხეს, არადა, გაუჩინარების პირველივე დღესვე, პოლიციამ კომპიუტერი ზუსტად მიმოწერის სანახავად წაიღო.

ხომ შესაძლებელია, თეორიულად, რომ სწორედ ამ მიმოწერაში იყოს პასუხი და ხომ შესაძლებელი იყო, ამ მიმოწერის ნახვისთანავე ეპოვნათ გოგო?

რამდენი თანამშრომელი ჰყავს შსს-ს, რომლებიც ხელფასს პაროლის გატეხვაში, ინფორმაციის ამოღებაში იღებს?

“იმაზე მეტს ვაკეთებთ, ვიდრე ვაშუქებთ, ათასი ოპერატიული-საგამოძიებო მოქმედება ტარდება” – უთხრა გამომძიებელმა დღეს საღამოს აქციაზე დედას.

დედა არ ითხოვს, რომ გაშუქდეს ღიად საგამოძიებო მოქმედება, დედა ითხოვს მას გააცნონ, რა ეტაპზეა გამოძიება, პირადად მას, დედას!

პირიქით, გამომძიებელმა იქეთ სთხოვა დედას, თუ რამე ინფორმაცია გექნებათ, გაგვაგებინეთო!

ბოლოს შსს-ს წარმომადგენელმა დაიბარა, ხვალიდან ვეტმფრენით მოვძებნითო!

აქციის გამართვამდე, 4 დღის მანძილზე, ვეტმფრენით არ მოგიძებნიათ, კომპიუტერი ვერ გახსენით, ინფორმაციას დედას არ აცნობთ – ათასი სამძებრო ღონისძიება ჩავატარეთო კი იძახით, ასე 5 ათასი სამძებრო ღონისძიებაც რომ ჩაატაროთ, მნიშვნელოვანს თუ არ გააკეთებთ, რა აზრი აქვს? ათასი ახლობელი და მეგობარი ჰყავს მაგ ოჯახს და თითო რომ გამოგეკითხათ, მარტო ეგ იქნებოდა ათასი ოქმი. მერე?

ძალიან სამწუხაროა, რომ ჩვენ ქვეყანაში, გამოძიების დასაჩქარებლად აქციის გამართვა გიხდება, კიდევ არა უშავს, რომ ზოგ საქმეში, აქციის გამართვა მაინც გშველის…

იმედია, ხვალ დილიდან, გამოძიება საჭირო ნაბიჯებს გადადგამს საჭირო მიმართულებით და თავს დაანებებს ოქმების თვლას, იმ ოქმების, რომელიც შეიძლება მართლაც ათასია, მაგრამ არაფერში გამოადგა და ერთი ნაბიჯითაც ვერ წასწია წინ.

და ილოცეთ, ბატონებო, რომ აქციის შემდგომი გამოფხიზლება და დაფაცურება დროული აღმოჩნდეს და არა დაგვიანებული!

ალია

თეგები: ბაჩალიაშვილის საქმე

კომენტარები

რედაქტორის რჩევით

“150 მილიონი ლარის მიტაცება” – მასშტაბურ კორუფციაზე “რკინიგზაში”, გია ყრუაშვილი საუბრობს – “ხომ ამბობენ კორუფციას ვებრძვითო?”
ახალი ამბები

“150 მილიონი ლარის მიტაცება” – მასშტაბურ კორუფციაზე “რკინიგზაში”, გია ყრუაშვილი საუბრობს – “ხომ ამბობენ კორუფციას ვებრძვითო?”

02:52 08-21-2025
პირადი: 150 მილიონის მიტაცება, “მკვლელი მატარებლები” – უსაფრთხოების დარღვევა და მასშტაბური კორუფცია “რკინიგზაში” – გია ყრუაშვილის სკანდალური, ექსკლუზიური ინტერვიუ
ახალი ამბები

“ზუსტად ასე დაწერეთ, “რკინიგზამ”, ჩემი ავადმყოფი შვილი, გაწირა სასიკვდილოდ” – გია ყრუაშვილი

14:56 08-20-2025
“მკვლელი მატარებლები” – “ვაცხადებ როგორც ვეტერანი რკინიგზელი, – ამ მატარებლებით მგზავრობა სერიოზული საფრთხეა” – გია ყრუაშვილის სკანდალური ინტერვიუ
ახალი ამბები

“მკვლელი მატარებლები” – “ვაცხადებ როგორც ვეტერანი რკინიგზელი, – ამ მატარებლებით მგზავრობა სერიოზული საფრთხეა” – გია ყრუაშვილის სკანდალური ინტერვიუ

05:22 08-20-2025
„რასაც ივანიშვილი ახლა აკეთებს, ამ ლოგიკით ხდება… ბიძინას სხვა გათვლა აქვს“ – ბაბუნაშვილი
ახალი ამბები

„ბიძინა თურმე ამბობდა – ვინ უნდა შემცვალოს, ვინ? ვის აქვს ჩემდენი ფული?… არადა, 60 მილიარდ ევროზე იყო ლაპარაკი… ამიტომ ბიძინამ ჩემთან დაკავშირებით ნევროზი აიკიდა და განადგურება გადაწყვიტა“

20:20 07-16-2025

ბიზნესი

თიბისი ბიზნესისთვის მხარდაჭერით, უზბეკეთში, ბიზნესგამოფენა გაიმართება
ახალი ამბები

თიბისი ბიზნესისთვის მხარდაჭერით, უზბეკეთში, ბიზნესგამოფენა გაიმართება

16:45 09-09-2025
ლიბერთის ციფრული ბანკის საერთაშორისო აღიარება – შვიდი პრესტიჟული ჯილდო Global Finance-სგან
ახალი ამბები

ლიბერთის ციფრული ბანკის საერთაშორისო აღიარება – შვიდი პრესტიჟული ჯილდო Global Finance-სგან

15:10 09-09-2025
რა შესაძლებლობებს ქმნის თიბისი განათლების მიმართულებით?
ახალი ამბები

რა შესაძლებლობებს ქმნის თიბისი განათლების მიმართულებით?

13:18 09-09-2025
9 სექტემბერს გალერია თბილისში დაიბრუნეთ 40% – შეთავაზება თიბისი კონცეპტ Mastercard სადებეტო ბარათებზე
ახალი ამბები

9 სექტემბერს გალერია თბილისში დაიბრუნეთ 40% – შეთავაზება თიბისი კონცეპტ Mastercard სადებეტო ბარათებზე

12:37 09-09-2025
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2025 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2025 Alia.ge - All rights reserved