243
ორგანიზაცია “ერი და სახელმწიფოს” დამფუძნებელი, ზვიად ტომარაძე:
რას გააკეთებდა ეროვნული ხელისუფლება 14 წლის მანძილზე!
1) მიიღებდა მიწის კოდექსს, ერთადერთი სახელმწიფო ვართ პოსტსაბჭოთა სივრცეში, რომელსაც მიწის კოდექსი არ გააჩნია;
2) პარლამენტში “გენდერული თანასწორობის საბჭოს” (მსგავსად, ან ნაცვლად) შექმნიდა დემოგრაფიულ საბჭოს;
3) აკრძალავდა სლოტ–კლუბებს და ონლაინ აზარტულ თამაშებს;
4) შექმნიდა სასურსათო უსაფრთხოებას, რომ ქვეყანა გამხდარიყო თვითკმარი და არ ყოფილიყო დამოკიდებული სურსათის იმპორტზე;
5) აღადგენდა საზღვაო სანაოსნოს, დღეს ქართულ წყლებში თევზს თურქული გემები იჭერენ;
6) ხელს შეუწყობდა ადგილობრივ წარმოებებს. დაელაპარაკებოდა საერთაშორისო წამყვან მწარმოებელ ბრენდებს და ქართველ ემიგრანტ ბიზნესმენებს, შესთავაზებდა საქართველოში წარმოების ფილიალების გახსნას და ასევე დააინტერესებდა სხვადასხვა შეღავათებით;
7) იზრუნებდა დაცარიელებული სოფლებში ხალხის დასაბრუნებლად, აღმოსავლეთ საქართველოს მთიანეთში გზის და შუქის პრობლემას მოაგვარებდა;
8. დაწევდა დენზე და გაზზე გადასახადს, ეს თავისუფლად შესაძლებელია, რადგან მოხმარებული გაზის მესამედს აზერბაიჯანი ტრანზიტის სანაცვლოდ გვაძლევს. ხოლო ელექტროენერგიის 85% საქართველო აწარმოებს;
9) გაანახევრებდა 150 კაციან პარლამენტს, არ სჭირდება ამ პატარა ქვეყანას 150 კაციანი პარლამენტი;
10) მიხედავდა განათლებას, ამაზე ცალკე სტატუსი მაქვს დადებული ორი კვირის წინ და იგივეს აღარ დავწერ;
11) მიიღებდა კანონს წარმომავლობით ქართველების შესახებ, ანუ ფერეიდნელებს, ჰერელებს და ქართველ ემიგრანტებს გამარტივებული წესით მიანიჭებდა საქართველოს მოქალაქეობას;
12) აზიის ქვეყნებს საიდანაც გვაქვს ჭარბი მიგრაცია დაუწესებდა სავიზო რეჟიმს;
13) აკრძალავდა დასახლებების გაშენების მიზნით სასოფლო–სამეურნეო მიწების არასასოფლოდ გადაყვანას;
14) ბანკებს, რომლებსაც კატასტროფულად დიდი პროცენტები აქვთ და აღარიბებენ მოსახლეობას დაუწესებდა რეგულაციებს და შექმნიდა სახელმწიფო ბანკს;
15) აწევდა 100 000–იან დღგ–ს ზღვარს ან გაანახევრებდა დღგ–ს გადასახადს, რადგან ეს ჩანასახშივე კლავს დამწყებ ბიზნესს და აიძულებს მაღალ ფასში მოახდინოს რეალიზაცია, წინააღმდეგ შემთხვევაში გაკოტრება გარდაუვალია;
16) გადაიღებდა ფილმებს: დავით აღმაშენებელზე, ბასიანზე, შამქორზე, გიორგი ბრწყინვალეზე, ხალდეს გმირებზე, იუნკერების გმირობაზე, აფხაზეთში და სამაჩაბლოში მომხდარ გმირობებზე და ა.შ.
17) ხალხს დაუბრუნებდა საკანონმდებლო ხარვეზებით წართმეული რეფერენდუმის უფლებას, რომ ქვეყნისთვის უმნიშვნელოვანესი საკითხები ხალხს რეფერენდუმის გზით გადაეწყვიტა;
18) ბეტონის გეტოებად ქცეულ თბილისში და ბათუმში დროებით მორატორიუმს გამოაცხადებდა ცათამჯენების მშენებლობაზე.
კიდევ ბევრი რამის დამატება შეიძლება, თუმცა ის ვინც სურსათზე ფასწარმოქმნას ვერ დაადგენს და ამისთვის უცხოური კომპანიას დაიქირავებს, ქვეყანას როგორ ააშენებს? არადა, წიაღისეულითა და სხვა ბუნებრივი რესურსებით მდიდარი 3,7 მილიონიანი ქვეყნის ფეხზე დაყენება მარტივია, მხოლოდ სურვილი და მონდომება სჭირდება!
კომენტარები