დაავადებათა კონტროლის ეროვნული ცენტრის დირექტორმა ამირან გამყრელიძემ, გამართულ ბრიფინგზე „ფაბრიკაში“ არსებულ სიტუაციაზეც ისაუბრა. მისი თქმით, ის, რაც „ფაბრიკაში“ ხდებოდა ძალიან ზრდის ინფიცირების რისკს და ერთი ინფიცირებული უცბად გადასდებს სხვებსაც.
„რაც მე ვნახე, რა ხდებოდა ფაბრიკაში… ყველას გვინდა, გასაგებია, მაგრამ თავი შევიკავოთ ცოტა ხნით, სანამ პანდემია არის. ძალიან მომატებული რისკია, რაც იმ დღეს ფაბრიკაში ხდებოდა, ვიდრე ეს ეროვნული გამოცდებია, იმიტომ, რომ ერთიან ეროვნულ გამოცდებზე მიდიან ჯანმრთელი ბავშვები და იქ, შესაძლებელია, მოხვდეს ინფიცირებული. ერთი ინფიცირებული ადამიანი იმ ფაბრიკაში უცბად გადასდებს დაახლოებით ოცს და მერე გეომეტრიული პროგრესია გვექნება“
შეგახსენებთ, რამდენიმე დღის წინ “ალიამ” გაავრცელა “ფაბრიკაში” გადაღებული ფოტო. როგორც ჩანს, ამირან გამყრელიძე “ალიას” ხშირად კითხულობს, შესაბამისად, ველით, როდის გააკეთებს კომენტარს იმაზე, რაც “ალიას” ჟურნალისტს რესპუბლიკურ საავადმყოფოში გადახდა…
შეგახსენებთ, რეგულაციების და კანონის აღსრულება ევალება შსს-ს და რამდენიც არ უნდა მოგვწოდოს ჩვენ ამირან გამყრელიძემ, ჩვენ ვერ აღვადგენთ წესრიგს.
კომენტარები