,,რამდენი მშობელია, ვინც ვერ ნახულობს შვილს და განიცდის ტკივილს, ყველამ მოსთხოვეთ სააგენტოს მორალური ზიანი“ – მარი საბიაშვილი

ადვოკატი მარი საბიაშვილი:

,,კიდევ ერთი პრეცედენტული სარჩელი, რომელიც უკვე სასამართლო წარმოებაშია.
ამჯერად, უკვე სსიპ სახელმწიფო ზრუნვისა და ტრეფიკინგის მსხევრპლთა, დაზარალებულთა დახმარების სააგენტოს ვედავებით მამისათვის მორალური ზიანის ანაზღაურებას, ვინაიდან, სააგენტომ უკანონოდ შეაჩერა სასამართლო გადაწყვეტილების აღსრულების პროცედურები, რამაც გამოიწვია 5 თვე მამისა და შვილის ურთიერთობის წყვეტა (მართალია, შემდეგ აღადგინა, როცა საჩივარი იქნა შეტანილი და მიხვდნენ თავის არაწორ ქმედებებს, თუმცა ცხადია, აღნიშნულმა გამოიწვია ზიანი).

ამასთან, ის, რომ დღემდე ვერ/არ უზრუნველყოფს სააგენტო სასამართლო გადაწყვეტილებების აღსრულებას და მათი დაგვიანებული ქმედებები, ან უმოქმედობა, იწვევს უკვე მშობლებისა და შვილების გაუცხოვებას, რაც განგრძობითი ხასიათისაა, მორალურ ტანჯვას და ტკივილს აყენებს იმ მშობელს, რომელიც ვერ ურთიერთობს შვილთან..

მეორე სასარჩელო მოთხოვნა იყო ქმედების განხორციელების დავალება სააგენტოსთვის, რომ დაუყოვნებლივ აღასრულოს სასამართლო გადაწყვეტილება, ამისათვის, გადადგას ქმედითი და ეფექტური ნაბიჯები, ბავშვის საუკეთესო ინტერესების დასაცავად.. ამ ნაწილის განხილვაზე უარი გვეთქვა, ვინაიდან, სასამართლომ განმარტა, რომ გადაწყვეტილების აღსრულება, ისედაც სააგენტოს ვალდებულებაა, მათ ისედაც ევალებათ აღნიშნული ქმედებების განხორციელება, შესაბამისად, ვერ შეიჭრება დამატებით მათ კომპეტენციაში.

ერთის მხრივ, ირიბად, სწორედ სააგენტოს უმოქმედობაზე, დაგვიანებულ ქმედებასა და მათ მიერ კანონით დაკისრებული მოვალეობის (აღასრულონ სასამართლო გადაწყვეტილება) შეუსრულებლობას გულისხმობს მათთვის მორალური ზიანის დაკისრება. მეორეს მხრივ კი საქმეებში აქტიურად ჩავრთავთ სახალხო დამცველის აპარატს და სახელმწიფო ინსპექტორის სამსახურს, რათა მათ მიერ იქნას დამატებით დადგენილი, სააგენტოს არამყისიერი რეაგირებები, სასამართლო გადაწყვეტილებების აღსრულებებზე.

რამდენი მშობელია, ვინც ვერ ნახულობს შვილს და განიცდის ტკივილს, ყველამ მოსთხოვეთ სააგენტოს მორალური ზიანი, იქნებ მიხვდნენ, რომ უნდა იმოქმედონ დროულად და აღასრულონ სასამართლო გადაწყვეტილებები !!! იქნებ სახელმწიფოც მიხვდეს, რომ უნდა გააძლიეროს ეს სამსახური და მიაქციოს ყურადღება !!!

დიახ, ადვოკატების იარაღია სასამართლო, მათ შორის, უწყებების წინააღმდეგ და კიდევ კარგი, რომ გვყავს გონიერი მოსამართლეები”