1 ნოემბრიდან მომხმარებელთა უფლებები კანონით რეგულირდება. ნებისმიერ მოქალაქეს შეუძლია საჩივრის ფორმა შეავსოს, დაურთოს მტკიცებულებად ფოტო-ვიდეო მასალა ან მოვაჭრესთან მიმოწერა. კონკურენციის სააგენტო კი განაცხადს განიხილავს და მხარეებს მორიგებაში დაეხმარება.
გარდა ამისა, კანონში გაჩნდა ჩანაწერი, რომ გამყიდველი ვალდებულია 14 დღის განმავლობაში გაყიდული ნივთი, უპირობოდ დაიბრუნოს.
კანონის აოქმედება 2022 წლის ნოემბრიდან იწყება და ის ევროპასთან ასოცირების პროცესის მნიშვნელოვანი ნაწილია, თუმცა კანონის ქართული რედაქცია ევროპულისგან განსხვავებით, მეტად ჰუმანურია ბიზნესისთვის. ამ ეტაპზე მომხმარებელთა უფლებები მეტად დაცულია ონლაინ შეძენისას, ვიდრე ფიზიკური ვაჭრობისას.
უკმაყოფილო მოქალაქეს, შეუძლია განაცხადი გააკეთოს დისტანციურად, ცხელი ხაზის მეშვეობით, ან ფიზიკურად მივიდეს კონკურენციის სააგენტოში. უნდა წარმოადგინოს შენაძენის ჩეკი და სხვა მტკიცებულებები. სააგენტო საკითხს მაქსიმუმ 1 თვის ვადაში განიხილავს. მოვაჭრეს გააფრთხილებს ანდა აიძულებს დააკმაყოფილოს მყიდველის პრეტენზია, წინააღმდეგ შემთხვევაში, დააჯარიმებს წლიური მოგების 2 პროცენტით.
კომენტარები