გურულების პრობლემებს დღეს “ძლიერი საქართველოს“ ლიდერები ისმენდნენ. პოლიტიკოსებმა ჩაის პლანტაციები მოინახულეს და რეგიონის სოფლებში შეხვედრები გამართეს.
დღესვე კოალიციის ლიდერებმა ადგილობრივ მოსახლეობას ის სამოქმედო გეგმა გააცნეს, რომლის განხორციელებასაც რეჟიმის ცვლილების შემდეგ დაიწყებენ.
რა უჭირთ სოფლად მცხოვრებ ადამიანებს, რას პირდებოდა ხელისუფლება და რა მიიღეს “ქართული ოცნების” 12-წლიანი მმართველობის თავზე? – ეს არის ის საკითხები, რომლებსაც გურულები კოალიციის ლიდერებთან ერთად დილიდან განიხილავენ.
არ არსებობს ოჯახი, საიდანაც ემიგრანტი არ იყოს გასული. უმუშევრობა, სიღატაკე, მაღალი ფასები – ერთ-ერთი ძვირი ქვეყანა გავხდით, ევროპასთან შედარებით. საქართველოს ერთი ძალიან სერიოზული გამოწვევა უდგას – სად იქნება ჩვენი ქვეყანა 26 ოქტომბრის შემდეგ. იქნება დამოუკიდებელ, თავისუფალ სამყაროსთან ერთად თუ იქნება რუსეთის უკანა ეზო.
ჩვენ აუცილებლად უნდა დავუბრუნდეთ იმ არჩევანს, რომელიც ჩვენმა ქვეყანამ გააკეთა და რომელიც კონსტიტუციაში გვიწერია – ევროკავშირში გაწევრიანება, მაღალი სტანდარტის განათლება, მაღალი პენსიები, სამუშაო ადგილები“, – განაცხადა მამუკა ხაზარაძემ.
კოალიციის კიდევ ერთმა ლიდერმა, ანა დოლიძემ, თქვა:
“ელემენტარულ პირობებს ითხოვს ხალხი. წყალი არ არის, გზები არ არის. ხიდი არის, მაგრამ ისე ყანყალებს, ადამიანს თავბრუ დაეხვევა. საცურაო აუზში ბაყაყები არის. ჩვენ 2025 წელს 21-ე საუკუნეში უნდა შევიდეთ ოფიციალურად. იმით, რომ ინფრასტრუქტურაზე საუბარი უნდა დავასრულოთ, წყალი, გზა, ჯანდაცვა, დანგრეული სკოლის შენობები უნდა ჩავაბაროთ ისტორიას”.
კომენტარები