ბელარუსის პრეზიდენტმა ალექსანდრ ლუკაშენკომ განაცხადა, რომ არ აპირებს ბელარუსის სამხედროების უკრაინის წინააღმდეგ ომში გაგზავნას. ამის შესახებ მან გროდნოში, ეროვნული კულტურების მე-15 ფესტივალის გახსნის ცერემონიაზე სიტყვით გამოსვლისას განაცხადა.
„რა, უნდა წავიდეთ და სხვისი ნებით ვიომოთ უკრაინაში? რა, გვინდა იქ საზარბაზნე ხორცად აღმოვჩნდეთ? არა, ეს არ გვინდა.
მინდა, პოლონელებმა, ლიტველებმა და უკრაინელებმა მომისმინონ. ჩვენ მათთან ომი არ გვინდა. თუმცა, ყოველთვის მზად ვართ, დაგიცვათ“, — განაცხადა ბელარუსის ლიდერმა.
კომენტარები