“რა სხვაობაა წულუკიანსა და რადიონოვს შორის?“ – ირაკლი ტაბლიაშვილი

ჟურნალისტი, ირაკლი ტაბლიაშვილი:

“ადამიანს, რომელთანაც ერთ დროს ვმეგობრობდი, უთქვამს:
“მე არ ვფიქრობ, რომ ეს კონკრეტული მსხვერპლი არის 5 ივლისის მსხვერპლი. თქვენ ყველას გაქვთ თქვენი აზრის გამოთქმის უფლება, მაგრამ მე მაქვს ჩემი აზრის უფლება. ეს არავის აუკრძალავს და ვერც აკრძალავს. მე მაქვს ჩემი ვარაუდი, რომ ეს არ არის კავშირში 5 ივლისთან. შეიძლება, ეს არ დადასტურდეს, ან ის არ დადასტურდეს, რაც თქვენ გგონიათ. ყველაზე მნიშვნელოვანი არის, რომ უნდა დაველოდოთ შედეგს.თქვენ ბრძანეთ, რომ 5 ივლისი მოხდა და იყო მსხვერპლი, მსხვერპლი არ ყოფილა 5 ივლისს. მსხვერპლი დადგა რამდენიმე დღის შემდეგ. ოღონდ, ეს იყო თუ არა იმის მსხვერპლი, მე ვფიქრობ, რომ არ იყო”.
თეა წულუკიანი.

ახლა ჩავხედოთ გენერალ რადიონოვს:
ის ამბობს:
“მინიმუმ ორი ადამიანი, რომლებზეც ამბობენ, რომ 9 აპრილს დაიღუპნენ, 9 კი არა, 11 აპრილს თავისით გარდაიცვალნენ. ზოგადად ადამიანები კვდებიან, ეს არაა სიახლე”.

რადიონოვმა ეს თქვა მანანა მელქაძე და გია ქარსელაძეზე – 11 აპრილს გარდაცვლილებზე.

რა სხვაობაა წულუკიანსა და რადიონოვს შორის?“