ქვეყნის შინაგან საქმეთა სამინისტრო, ინფორმაციას ავრცელებს, რას გეგმავს „ჯორჯიან მანგანეზის“ შვილობილი კომპანიის, შპს „ჭიათურა მენეჯმენტ კომპანიის“ წარმომადგენლები, ამბობს, რომ მონიტორინგი უნდა განახორციელონ და ითხოვს, მაღაროელებმა არ დაარღვიონ კანონი. შსს წერს, რომ რადგან მაღაროელები პროტესტს გამოხატავენ, ადგილზე, მობილიზებულია შსს.
რა შუაშია შსს კომპანიის მონიტორინგთან – უცნობია. რას ითხოვს შსს მაღაროელებისგან – უცნობია. კანონდარღვევა რომ დასჯადია, ეს ისედაც ცნობილია, პრობლემაც ეგაა, რომ მაღაროელთა თქმით, კანონი სწორედ მათ წინააღმდეგ ირღვევა და მათი უფლებებია შელახული.
მიმდინარე წლის 30 აპრილს, ჭიათურის მუნიციპალიტეტში, კოროხნალის, შუქრუთის, ითხვისის და დარკვეთის მაღაროებში არსებული მდგომარეობის შესწავლის მიზნით, „ჯორჯიან მანგანეზის“ შვილობილი კომპანიის, შპს „ჭიათურა მენეჯმენტ კომპანის“ წარმომადგენლები, შესაბამისი მიმართულების სპეციალისტებთან ერთად მონიტორინგს განახორციელებენ.
როგორც საზოგადოებისთვის ცნობილია, ბოლო დროს, ჭიათურის მუნიციპალიტეტში მაღაროებში დასაქმებულ თანამშრომელთა ნაწილი გამოხატავს პროტესტს, აქედან გამომდინარე, ადგილზე მართლწესრიგისა და უსაფრთხოების დაცვის მიზნით, მობილიზებულნი იქნებიან შინაგან საქმეთა სამინისტროს შესაბამისი დანაყოფების თანამშრომლები.
მოვუწოდებთ პროტესტის გამომხატველებს, არ დაარღვიონ კანონი.
კანონდარღვევის თითოეულ ფაქტს, პოლიციის მხრიდან შესაბამისი სამართლებრივი რეაგირება მოჰყვება.
კომენტარები