პარლამენტში გავითარებული ჩხუბის შემდეგ ირაკლი კობახიძე ამტკიცებს, რომ ყოფილი გენპროკურორი არაფერ შუაშია და საუბარია რეგულაციებზე, რომელიც საქართელოს ნებისმიერ მოქალაქეს იცავს.
“სად იყო ფარცხალაძე ეს ყველაფერი რომ ხდებოდა? რა შუაშია ფარცხალაძე? მე კიდევ ერთხელ მოვუწოდებ ჩვენს კოლეგებს, რომ მაქსიმალურად სიმშვიდით შეხვდნენ ასეთ პროვოკაციებს. მათი მიზანი ეს არის, რომ ხელოვნურად სცადონ ვითარების ადუღება. მოვიწოდებ ჩემს კოლეგებს, არ აყვნენ აგენტების პროვოკაციებს. არაფერ შუაში არ არის ფარცხალაძის დავა, არის საუბარი რეგულაციებზე, რომელიც იცავს ნებისმიერ საქართველოს მოქალაქეს. ეს არის სპეკულაცია, რომელსაც ოპოზიცია ეწევა.”
შეგახსენებთ, რომ პარლამენტში ვითარება უკიდურესად დაძაბულია. ერთმანეთს ხელისუფლების წევრები და ოპოზიციონერი დეპუტატები დაუპირისპირდნენ. მიზეზი “ოცნების” მიერ ოთარ ფარცხაალძის დაცვა და ეროვნული ბანკის გადაწყვეტილება გახდა, რომლის შემდეგაც ეროვნული ბანკი უკვე ორმა წამყვანმა სპეციალისტმა დატოვა. ჩხუბი და ფიზიკური შეხლა-შემოხლა საკანანმდებლო ორგანოში მას შემდეგ დაიწყო, რაც კომენტარის გასაკეთებლად ირაკლი კობახიძე დადგა.
კომენტარები