უკრაინის პრეზიდენტი ვოლოდიმირ ზელენსკი აშშ-ის ვიცეპრეზიდენტს, ჯეი დი ვენს მიუნხენის უსაფრთხოების კონფერენციაზე შეხვდა.
როგოც ვენსმა აღნიშნა, აშშ-ის მიზანია გრძელვადიანი, მდგრადი მშვიდობა და არ გამოიწვევს ახალ კონფლიქტს წლების შემდეგ. ვანსთან ერთად მოლაპარაკებებზე იმყოფებოდნენ სახელმწიფო მდივანი მარკო რუბიო, სპეციალური წარმომადგენელი უკრაინასა და რუსეთში კით კელოგი და ახლო აღმოსავლეთში სპეციალური წარმომადგენლის მოადგილე მორგან ორტაგუსი.
ამასთან, ვენსის თქმით, მან უკრაინულ მხარესთან განიხილა “არაერთი საკითხი, რომლებზეც უნდა იმუშავონ” და ხაზგასმით აღნიშნა, რომ დონალდ ტრამპის ადმინისტრაციის მთავარი მიზანი “ომის დასრულებაა”.
“ჩვენ გვინდა მკვლელობების შეჩერება, მაგრამ ჩვენ გვინდა მივაღწიოთ გრძელვადიან მშვიდობას და არა მშვიდობას, რომელიც რამდენიმე წელიწადში კონფლიქტამდე მიგვიყვანს აღმოსავლეთ ევროპაში”, – თქვა აშშ-ის ვიცეპრეზიდენტმა.
მან ასევე გამოთქვა რწმენა, რომ უახლოეს დღეებში, კვირებსა და თვეებში კიევსა და ვაშინგტონს შორის კიდევ ბევრი ასეთი საუბარი იქნება.
თავის მხრივ, ვოლოდიმირ ზელენსკიმ მადლობა გადაუხადა შეერთებულ შტატებს მხარდაჭერისთვის და დაადასტურა სურვილი “შეაჩეროს პუტინი და დაასრულოს ომი”.
კომენტარები