ბოლო ორ თვეში, აქციების დარბევისას, გარდა ნიღბიანი და მაიდენტიფიცირებელი ნიშნების გარეშე გამოყვანილი პოლიციის ფორმიანი პირებისა, ჩართულნი არიან პირები, რომლებსაც სანახევროდ აცვია პოლიციის ფორმა, მაგალითად, მხოლოდ ქურთუკი შესაბამისი, ან საერთოდ არ აცვია ფორმა და ამტკიცებს, რომ პოლიციელია და ასევე “ტიტუშკები.”
დღეს თბილისი მოლთან პოლიციის ფორმიანთა უპრეცენდეტო მობილიზებაა, თუმცა, არც დღევანდელი დღეა გამონაკლისი და აქაც შეინიშნება, ფორმის გარეშე., ან ნახევარფორმიანი, ნიღბიანი პირები. მოქალაქეები ვარაუდობენ, რომ ხელისუფლებამ, შესაძლოა, “ტიტუშკებიც” გამოიყენოს. გარდა თბილისი მოლისა, უპრეცენდეტო მობილიზებაა ყველა იმ ადგილთან, სადაც ადამიანები იკრიბებიან, რომ შეუერთდნენ აქციას.
სოციალურ ქსელში ვრცელდება ინფორმაცია იმის შესახებ, რომ დიღმისკენ მიმავალი ავტობუსები გაჩერებებზე არ აჩერებენ საერთოდ და ტაქსის ნაწილი კი გამოძახებაზე არ მიდის.
საზოგადოებრივი ორგანიზაცია „ფარის“ დამფუძნებელი, პოლკოვნიკი გიორგი თავდგირიძე:
იმედია, დღეს პოლიცია დარჩება კონსტიტუციურ უფლებამოსილების ჩრჩოებში და რეჟიმის უკანონო დავალებებზე მაღლა დადგება. დღეს ბევრის ქართველობა და ადამიანობა გამოჩნდება.…ბიჯო, ოცნება, ივანიშვილი, რა ფარჩაკი მათხოვრები ხართ? ფორმის შარვლები მაინც უყიდეთ, ჯინსიანი პოლიცია რა უბედურებაა?
კომენტარები