რა მოხდებოდა, ღარიბაშვილი პარიზში ივანიშვილს რომ არ შეხვედროდა? – ლელა ჯეჯელავა

ანალიტიკოსი ლელა ჯეჯელავა სოციალურ ქსელში წერს:

,,ირაკლი ღარიბაშვილი ბიძინას რომ არ შეხვედროდა პარიზში, შეიძლება ახლაც საფრანგეთში ყოფილიყო თავის ოჯახთან ბედნიერად. არ ექნებოდა ოქროს ზოდები, ბაკურიანის ტყე და კიდევ სხვა ბევრი რამე, მაგრამ ალბათ დაასრულებდა სორბონას, შეიძლებოდა ჰქონოდა პატარა ბიზნესი, რომელიც მისი ოჯახის კეთილდღეობას ეყოფოდა, იშრომებდა უფრო ბევრს, მაგრამ იფიქრებდა როგორ გამხდარიყო უფრო უკეთესი ისიც და მისი გარემოც, არ იცხოვრებდა მუდმივ შიშში, არ აიტანდა დამცირებას და თვითონ დამცირებული მერე სხვების დაკნინებით არ ამოიყრიდა ჯავრს, ერქმეოდა კაცის სახელი და არა რაც გინდა დაუძახე, ყოველ წარმატებას ოჯახს გაუზიარებდა და გაახარებდა, დაბრკოლებებს საყვარელი ოჯახის მხარდაჭერით და სიყვარულით გადალახავდა, საქართველოში ჩამოსული მეგობრებთან და ახლობლებთან ურთიერთობით სიყვარულით და პოზიტივით დაიტვირთებოდა და უცხოეთში ბედნიერი დღეების მოგონებით გაიქარვებდა აქაურობის მონატრებას და იქნებოდა ბედნიერი კაცი, რომელიც ცოცხლობს. ჰოდა რად მინდოდა ეს ყველაფერი, ქოც პროპაგადისტები რომ გაჰკივით, ბიძინამ ყველაფერი მისცა , კაცად აქციაო , ყველაფერი მისცა კი არა, ყველაზე მთავარი უფლება წაართვა – სიხარულის , სილაღის, ბედნიერების . ზუსტად ეს დამართა ჩვენ ქვეყანასაც – ღარიბაშვილივით რაც გინდა ის დაუძახე ქვია საქართველოს, შეურაცხყოფილი ყოველი მხრიდან, უიმედო, უღიმღამო , სხივ ჩამქრალი და უსიხარულო ქვეყანა, სადაც ერთმანეთზე ბოღმის ნთხევაში გააქვთ ადამიანებს ისედაც ერთი თვალის გახელა წუთისოფელი.“