საერთაშორისო ურთიერთობებისა და უსაფრთხოების მკვლევარი, რუსლან შავაძე, აკაკი წერეთლის ფოტოს აქვეყნებს და წერს:
1905 წელს, თბილისისკენ მიმავალი დიდი მგოსანი აკაკი წერეთელი ხაშურის რკინიგზის სადგურის სასადილო დარბაზში საუზმობდა, რა დროსაც სასადილოში “შებრძანდა” კავკასიის ყოფილი მეფისნაცვალი მიხეილ ნიკოლოზის ძე რომანოვი, რომელიც ბორჯომში მიემგზავრებოდა.
რომანოვის დანახვაზე ყველა ფეხზე წამოდგა, მხოლოდ აკაკი არ აქცევდა მას ყურადღებას და მშვიდად საუზმობდა.
რომანოვმა ნამცხვარი მოითხოვა, ფეხზე მდგომი შეუდგა ჭამას და ასე ჭამა-ჭამით მივიდა ჭაღარა პოეტთან და აგდებულად უთხრა:
– “რა განსხვავებაა ადამიანსა და ცხოველს შორს?”
– “ცხოველები ფეხზე მდგომნი მიირთმევენ საჭმელს, ადამიანი კი როდესაც სადილობს, ზის. აი, ეს განსხვავებაა!”
– მოურიდებლად მიახალა დიდმა მგოსანმა,
ამის შემდგომ კუდამოძუებული რომანოვი გაეცალა იქაურობას.
წავიკითხოთ ისტორია, ოღონდ სსრკ-ს არა, საქართველოს ისტორია წავიკითხოთ და თუ მაინც გვიჭირს მისი გააზრება კარგად დავაკვირდეთ ქართლის დედის ძეგლს და ვიფიქროთ რა დატვრითვა აქვს მას…”
კომენტარები