პარლამენტის დამოუკიდებელმა დეპუტატმა, პარტიის “კანონი და სამართალი” თავმჯდომარემ, თამარ ჩარკვიანმა პარლამენტის სხდომაზე პუტინის გვერდით მჯდომი ვიცეპრემიერ დავითაშვილის დაბარება მოითხოვა, რათა ოკუპანტი ქვეყნის მეთაურთან შეხვედრის შესახებ არსებულ კითხვებს უპასუხოს:
“საქართველოს ვიცე-პრემიერი ჰააგის სასამართლოს მიერ აღიარებულ სამხედრო დამნაშავესთან იჯდა. რა საქმე გვაქვს იმ ადამიანებთან, ვინც აღიარეს აფხაზეთის დამოუკიდებლობა?! უმრავლესობის წარმომადგენელმა ქალბატონმა განაცხადა, რომ „ჩვენ ხალხმა აგვირჩიაო”. ოპოზიციაც ხალხმა აგვირჩია, ჰოდა, გვაინტერესებს, როგორ აღმოჩნდა ვიცეპრემიერი დავითაშვილი სამხედრო დამნაშავის მაგიდასთან; და თუ აღმოჩნდა, ის ანგარიშვალდებულია საკანონმდებლო ორგანოს დეპუტატებთან, ოპოზიციასთან მოვიდეს და განმარტოს, რაზე იყო საუბარი? რა საქმე გვაქვს იმ ადამიანებთან, ვინც აღიარეს აფხაზეთის დამოუკიდებლობა?! ეს არის უმაღლესი საკანონმდებლო ორგანო; ვალდებული ხართ, გავარკვიოთ რა ხდება და რა ხდებოდა იქ, პუტინთან ერთად, რა ესაქმებოდა ვიცე-პრემიერს „ ფურშეტზე“?! და, რადგანაც იქ იყო, კეთილი ინებოს, მოვიდეს და ანგარიში ჩაგვაბაროს! საქართველოს ვიცე-პრემიერი ჰააგის სასამართლოს მიერ აღიარებულ სამხედრო დამნაშავესთან იჯდა! ქვეყნის უფრო დიდი დაქცევა არ არსებობს! აქ სხვა თემებზე გადაგაქვთ აქცენტები… უმრავლესობას მივმართავ, თქვენ ისტორიულად სამარცხვინო საქმეს ჩადიხართ.”
საქართველოს ვიცეპრემიერი ჩინეთში ბანკეტს პუტინთან ერთად დაესწრო, მის სიტყვასაც მოუსმინა
კომენტარები