“რა ხდება ირანში და რატომაა ეს მნიშვნელოვანი ჩვენთვის?” – ბატიაშვილი

ანალიტიკოსი, ზურაბ ბატიაშვილი:

“რა ხდება ირანში და რატომაა ეს მნიშვნელოვანი ჩვენთვის?

ირანის სამხედრო ობიექტებზე თავდასხმიდან 12 საათზე მეტი გავიდა (რუკაზე აღნიშნულია ტავდასხმის ადგილები) და აქამდე არც არავის აუღია საკუთარ თავზე ეს შეტევა. არც ირანი ჩქარობს თავდამსხმელის გამოცხადებას. ეს ბუნებრივია – აღმოსავლეთში აუცილებელი არაა ყველაფრის ახსნა.

ისედაც ცხადია, ვის აქვს სათანადო მოტივაცია და ტექნიკური საშუალებები, რომ ამ დონის შეტევა განახორციელოს და ის ქვეყნებიც ცნობილია, ვინც შეიძლებოდა ამ ამბავში ყოფილიყო ჩართული სხვადასხვა ფორმით.

აქ სხვა რამაა მნიშვნელოვანი, რომელიც მხოლოდ ირანს არ ეხება. საქართველოს და აქაურ პრორუსულ ძალებსაც ეხებათ. არამგონია, საღად მოაზროვნე ადამიანი ვერ ხედავდეს, რა ფასი აქვს დასავლეთთან დაპირისპირებასა და რუსეთთან მოკავშირეობას.

“იიიი, ჩვენ მშვიდობა გვაქვს და დასავლეთიც გვკიდია”-ს ძახილი მაშინ, როცა გარშემო დიდი დევების ჭიდილია, კატის კნუტის კნავილს გავს. ეს კნავილი რომც გაიგონ, ამ ეტაპზე კიდიათ. ჯერ დიდი საქმეები აქვთ მოსაგვარებელი.

პატარები კი, როგორც ხდება ხოლმე, მერე მიყვება ხურდაში.”